من جديد.. محاولات "تهويد" الفلسطينيين داخل الخط الأخضر ...

الاخ ماروكو
شكرا على التنويه، وان شاء الله كل واحد فينا يسأل نفسه اولا وقبل كل شيء شو بقدر اعمل وشو عملت فعلا ، وهل انا ضميري مرتاح؟؟؟؟
بس في نقطة زغيرة حابب انوه الها، طبعا على ضوء نقاش مطول دار بيني وبينك في اكثر من مكان وزمان،

صديقي
اذا لاحظت في التقرير انهم ذكروا مصطلح النكبة جنبا الى جنب مع قصائد محمود درويش ..
ايش معناتو هالحكي؟
معناتو انو اليهود بيدركو حجم السلاح الاعلامي والفني في معركتنا معهم اكثر منا للاسف الشديد
طبعا انتا كان رأيك في غير مرة انه الفن والشعر والاغاني والاناشيد الوطنية ما اضافت هالاضافة العظيمة للقضية
وانا كان رأيي مخالف جدا لرأيك
وبعتقد انو الصدفة اللي جمعت حذف مصطلح النكبة مع السعي لحذف اشعار درويش هي اكبر من مجرد صدفة
هي دليل على قيمة الشعر والفن في معركتنا مع اليهود
وهي دليل كمان على انو زي ما المقاتل الشريف المجاهد الطاهر اللي بحمل سلاحه وبحرس حدود غزة وبتحمل الحصار والجوع هو بالنتيجة بخدم قضيته
فكمان كل الشعراء العظام من طوقان الى درويش الى زياد الى غيرهم من الاسماء العظيمة وصولا الى المتألق الجديد تميم البرغوثي كلهم مجاهدين ومناضلين وخدم للقضية
وكمان كل الفرق اللي قدمت اناشيد او اغاني وطنية خدمت فيها القضية والامثلة عليها صعبة الحصر..

صديقي
هالرد هو ابعد ما يكون عن اظهار الاختلاف بيني وبينك، وهو مجرد تذكير بقضية اشبعناها نقاش في ما مضى ، واعتقدت انو ممكن هالخبر اليوم يكون تذكير النا بقيمة الشعراء والفنانين اللي بنملكهم واللي بحسدونا عليهم حتى قادة العدو

صديقي العزيز
عمرك سمعت شاعر بوصف وطنه بجملة احلى من جملة درويش : على هذه الارض ما يستحق الحياة