أوسكي الجلدية-نصائح ...

السلام عليكم...
مشكور وبشدة صاحب فكرة تجميع أسئلة الأوسكي على المنتدى....


دوامي الأسبوعين اللي مضوا كان جلدية...
وبصراحة، مع إني بلشت دراسة بكير، إلا إني واجهت مشكلة كبيرة وأنا بدرس للأوسكي (بس الحمد لله الله سترها جوا الامتحان)...

المشكلة كانت إنه احنا متعودين دايماً ندرس لإمتحانات دولئر...
فمثلاً إذا مر علينا واحنا بندرس تعريف لشغلة ما بنركز انا نحفظه متل ما هو...
بكون كل اهتمامنا إنا نفهمه عشان نعرف نجاوب إذا إجا عليه دائرة....

وحتى لما كنا ندرس للأوسكيات في رابعة، كنا نركز على الجانب العملي لكل مرض، شو بنسأل المريض وشو بنفحص فيه....

بس هدا الحكي ما بنفع للجلدية،لإنه الأوسكي تبعهم "أورال" ممكن الواحد ينسأل فيه عن أي إشي....
وحتى لما طلع حظي إني أدخل على مريضة "Hair loss" بالأول وآخد منها Hx ، الدكاترة ما ركزوا كتير على إيش سألتها، وإنما بلشوا على طول بإنهم سألوني...
What are the causes of diffuse non-scarring hair loss??!



عشان هيك، أنا بنصح كل إخواني واخواتي لما يدلوموا جلدية إنهم يبلشوا يحفظوا كل كلمة في الدوسية من أول يوم، عشان ما يوصلوا الأوسكي إلا وهمة حافظينها منيح....

ولا لأ حمزة (بما إنك زيي مجرب)؟؟!

شكرا كتير على المعلومات

يعطيك العافية

صح كلامك انا بالنسبة لي من سنة اولى لهلأ نادر ما احفظ بالحرف ...فهون لازم نغير الاسلوب
شكرا كتيير الك د.معاذ