دوام قسم DERMATOLOGY

استعرض الموضوع السابق استعرض الموضوع التالي اذهب الى الأسفل

دوام قسم DERMATOLOGY

مُساهمة من طرف اسراء في الجمعة أكتوبر 02, 2009 11:12 pm

السلام عليكم

بالبداية انا رح اتكلم عن دوام القسم مثل ما شفته انا..ممكن غيري يكون شافه بطريقة تانيه

الدوام من ازنخ واثقل دم دوام بمر عليه الواحد ..خصوصا اذا المادة ما انهضمت معه ...بسير الوضع مستعصي

اللي بجلط بالدوام انه الدكتور ليث بجي وقت ما بده

رح تسمعوا اشاعات باول يومين انه تعالوا على ال 8 ونص عشان اذا اجا الوزير ليث يعطيكم ..اكيد كانسل والدوام عال 9

بس مثل ما قلنا هو وزير ..بجي وقت ما بده ..اغلب الايام بجي حوالي ال 10 بس مش هون المشكلة

المشكلة انه بجي عالعياده ..ما بجي عشان الطلاب.. فبمشي نصف العياده بعدين بقول يلا سيمنار ببلش كم سلايد ..بعدين بطلع يشوف كمان 5 مرضى ولا بجيه تلفون مهم بستدعيه يطلع نصف ساعه ويخلينا ملطوعين نستنى

هو يمكن اشي مش سيء كتير انه هيك يعمل ...كأنه بريك يعني - بس هو ما بحدد وقت لما يروح...فطبعا نصيحه انه من اولها اعملوا جدول مناوبات في القعده

ما تغلطوا غلطتنا وتفعدوا كلكم تستنوا

لانه مرة لما طلع من المحاضره عاساس راجع...نزلنا عالكافتيريا افطرنا وشربنا نسكافيه و طلعنا ولسا مش جاي !!!

خلاصة الحديث...انه ما تفكروني ببالغ بكلامي

بس والله قهر ...لانه بضيع الوقت بشكل مش طبيعي...فانتو خدوا راحتكم ومثل ما حكيت خلي المناوبين يرنولكم لما يرجع او يبلش ...واحسبوا حسابكم تطلعوا عالعياده خلال3 دقائق يعني - يعني ما تبعدوا كتير

هلا بخصوص العيادات ....الاسبوع الاول بكون الواحد شاف معظم الاشياء ..اللي 3 ارباعها حب شباب وفطريات والباقي صدفيه وجرب وغيره

فاللي انتريستيد بيقدر الاسبوع التاني يضل يحضر كمان مرة...بس انا ما حضرت ولااشي ..يعني بنضل قاعدين بغرفة السيمنار او تحت ... لانه الدوسية بدها تندرس مرتين عالاقل عشان الاوسكي

هلا الدوسية اختلفت شوي عن الاول ..خصوصا انه الدكتور ليث اعطى كتير محاضرات جديده مكتوبه باسم الدكتور شرف

هي بتمشي ...بس الدكتور ليث احسن واحسن بالشرح وبيحذف شغلات او ما بركز عليها ..فهاي اكيد رح نشطبها لانه هو اللي رح يحط الامتحان الكتابي

بس احسن اشي الواحد يتبع معاه بالدوسية ويحط خط تحت اللي بحكيه ويضيف الزياده خصوصا الادويه وبكفي وزياده

شرحه للدكتور كتير مرتب وهادي

وسلايداتهم اخدناها احنا من الكمبيوتر بالقسم ...بس حجمهم كبير شوي عشان هيك ما رفعتهم...اللي بده محاضره معينه يخبرني

اما عن محاضرات المقيمين ..فعليها العوض ومنها العوض...(اغلبها)

دراسة الكتب ملغية من الاساس ..لانه الاسئلة النظري كلها من الدوسية هيك حكولنا الاكبر منا...و الكتب خرافيه بشكل رهيب

وبلاخير ..ممكن الجلديه تكون اكثر دوام مفيد من الناحية العمليه ...لانه وين ما يروح بيشوف مشاكل في الجلديه وبنسال فيها بحياته

عشان هيك شوفوا قد ما بتقدروا هالاسبوعين لانه ما رح نشوفها مرة تانيه

وبالتوفيق


_________________


Everything in this world can be seen as u wish to.good or bad .simple or complicated.easy or
difficult.Its not how things are,its about how u look up to them.and how u look up to them is all up to
you!


اسراء

عدد المساهمات : 694
تاريخ التسجيل : 19/10/2008
العمر : 29

معاينة صفحة البيانات الشخصي للعضو http://www.6abib.com/ask

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى