دوام قسم radio

السلام عليكم

الدوام من اخف ما يكون

ببلش على الساعه 9 .ومرات عال 10 - بخبركم قبل بيوم

المكان هو قسم الاشعه الفرع المقابل عيادات تخطيط العضلات والعمليات النهارية

كل موضوع بجي اخصائي او مقيم يعطيه وبحط تقييم من 100 لمحاضرته والافرج تبعهم بطلع هو ال evaluation

مدة المحاضره من ساعه لساعتين مش اكتر وبعدها بنتهي الدوام

اكتبوا كل شي بيحكوه بالحرف خصوصا كيف نعلق على الصور ..لانه هو اللي بلزم للاوسكي مش اكتر والحالات بتجي من اللي بعرضوه فقط ..وخصوصا اللي عليها ارقام يعني جايه قبل هيك

بخصوص النظري الدوسيه ماشي حالها بس كتاب lecture note هو المعتمد عندهم..فاتوقع رح يجيبوا منه بالفاينل

ما بستلموا ال log book الا وهو موقع من كل الدكاترة ...فالافضل توقعوا اول باول

وهذا كل شي

بالتوفيق

شكرا اسراء

بس ما فهمت كيف بيعمل تقييم وبيخليه هو الافريج

يعني في ست دكاترة بالقسم بيعطونا محاضرات
فعشان العدل في التقييم ...كل دكتور بعد ما يخلص محاضراته بيحط تقييم للطلاب من 100 وبيعملوه على شكل جدول
فمثلا بطلع عنا 6 علامات من مية ..بياخدو افرجهم وبيكون هو ال evaluation
طبعا همي ما حكولنا انهم بعملوا هيك...البركة في الشباب لما طلعت الدكتورة تجيب اشي فتحوا الملف للاستكشاف مش اكتر فشافوا العلامات

السؤال الذي يطرح نفسه هو....
هل يكفي جلوس أحد الدكاترة معك لمدة 2-4 ساعات على يوم أو يومين لكي يكون قادراً على وضع تقييم لك ولغيرك بعدالة؟؟؟!!!

أشك في ذلك..!!

على العموم، أنا ما سألت عن تقييمات كل طلاب المجموعة، بس على ما يبدو إنا كلنا تقييماتنا تقع ضمن "Range" ضيق..... يعني بتشبه بعض!!

معاذ الحمد كتب:السؤال الذي يطرح نفسه هو....
هل يكفي جلوس أحد الدكاترة معك لمدة 2-4 ساعات على يوم أو يومين لكي يكون قادراً على وضع تقييم لك ولغيرك بعدالة؟؟؟!!!

أشك في ذلك..!!

على العموم، أنا ما سألت عن تقييمات كل طلاب المجموعة، بس على ما يبدو إنا كلنا تقييماتنا تقع ضمن "Range" ضيق..... يعني بتشبه بعض!!

طبعا ما بيكفي.. والرينج فعلا ضيق...يعني احنا اللي شفناه كان اعلى اشي 90 وااللي ما حضر من الاساس اخد 77 كانه ..والباقي 86-89
بس بلاخير التقييم كله على بعضه ما بيفرق ..فالواحد بيعمل الي عليه وما بيهتم فيه..لانه هو اكثر اشي بعيد عن العدل عنا
والدكاترة غالبا بجوا اخر يوم ليتعرفوا علينا ..فلو الواحد غاب نص الايام واخر يوم او يومين شد حيله رح ياخد اعلى من المجتهد واضطر مثلا يغيب باخر يومين