طلاب 2005 بكلية الطب الجامعة الاردنية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

وين كنا ... و وين صرنا

3 مشترك

اذهب الى الأسفل

وين كنا ... و وين صرنا Empty وين كنا ... و وين صرنا

مُساهمة من طرف بهاء السبت أبريل 10, 2010 6:49 pm

السلام عليكم
خطرت على بالي وانا بودع بعض من اصدقائي في سنة سادسة فكرة صغيرة وحبيت اشارككم فيها

الحمد لله كنا محظوظين بما فيه الكفاية للدخول في افضل كلية وافضل تخصص
ومن السنة الاولى كان دايما في كم كافي من التفاصيل والامور الصغيرة اللي خلتنا نغرق فيها وفي اغلب الاحيان ننسى الصورة الكبيرة
من السنة الاولى - بدينا بالتسجيل وشراء الكتب والامتحانات والدوسيات والشيتات وغيرها من امور الدراسة
ومن السنة الاولى كمان بدينا بتكوين علاقات مع زملائنا بدت تكبر شوي شوي ، حتى تحول البعض منهم من شخص غريب شفته بالصدفه في محاضرة الى شخص قريب جدا على روحك وعلاقته فيه زي اخوك بالضبط
ومن السنة الاولى بدينا بتكوين حصيلة علمية تراكمت على مدى خمس سنوات
وحصيلة لغوية كمان - اكيد في اللغة الانجليزية
ودائما كان كل واحد فينا يقارن نفسه بالشهر الماضي او بالامتحان الماضي او بالسنة الماضية على اقصى تقدير

لكن السؤال

كم واحد فينا اعطى لنفسه اجازة قصير مدتها نص ساعة وحاول يقارن نفسه مع الشخص اللي كان عليه قبل خمس سنوات بالضبط؟
متذكر كيف كنت اول يوم بالجامعة؟
متذكر رصيدك العلمي واللغوي كيف كان؟
والاهم من هيك

متذكر انتا كشخص كيف كنت اول يوم بالجامعة؟
الاكيد انك تغيرت بس هل كان تغيرك للافضل او للاسوأ؟
هل اخلاقك اليوم بعد خمس سنوات في الجامعة افضل او اسوأ؟
هل التزامك بالصلاة اقوى او اضعف؟
هل لبسك محتشم زي ما كان اول يوم، او افضل او اسوأ؟

لو كان الك الخيار : هل بتختار تكون زي ما صرت بعد خمس سنوات او بتختار تكون الشخص اللي كان واقف قبل خمس سنوات عند برج الساعة بيسأل عن مكان المحاضرة؟ Smile

مش المهم تجاوب على المنتدى .. المهم تجاوب حالك وتكون صريح مع نفسك
اعطي لنفسك اجازة مدتها نص ساعة او ساعة
سكر موبايلك، وافصل الانترنت
واقعد في اكثر مكان بترتاح فيه
واسأل حالك : وين كنا و وين صرنا ؟
بهاء
بهاء

عدد المساهمات : 102
تاريخ التسجيل : 26/05/2009
العمر : 36

http://wattan.wordpress.com

الرجوع الى أعلى الصفحة اذهب الى الأسفل

وين كنا ... و وين صرنا Empty رد: وين كنا ... و وين صرنا

مُساهمة من طرف Mohammad Ghalib Riziq الأحد أبريل 11, 2010 5:34 am

حلو السؤال وكثير ما راودني
لذلك عشان أعرف الجواب كنت من سنة أولى وحتى الآن
أحتفظ بكتابات زملائي على الشيتات وبالشيتات نفسها كمان وحتى الآن
وخاصة ما أنا كنت أكتب
كله محتفظ فيه
والسبب هو أن لما بدي أقارن بيني وبيني إن صح التعبير مع اختلاف الفترة الزمنية ما بين البينتان
أجد الإختلاف وأقرر أيها أحسن
رغم أني إلى الآن لم أطلع على كتابات الماضي وشيتات الماضي لكن أعتقد أن فعلا تغيير طرأ علي وعلينا جميعا أيضا
بس السؤال هل نعتبر من ماضينا وحاضرنا؟؟ أم فقط ذكريات نتذكرها ونحكيها؟؟

والله الموفق
Mohammad Ghalib Riziq
Mohammad Ghalib Riziq

عدد المساهمات : 328
تاريخ التسجيل : 15/10/2008
العمر : 36
الموقع : www.med-pulse.net

الرجوع الى أعلى الصفحة اذهب الى الأسفل

وين كنا ... و وين صرنا Empty رد: وين كنا ... و وين صرنا

مُساهمة من طرف Admin الأحد أبريل 11, 2010 9:35 pm

مشكور على الموضوع الحلو

بالنسبة الي وبكل صراحة تغيرت للاسوا

لاني ما بحب الطب بل اكرهه بعنف

مشان هيك فقدت الاهتمام بمعظم الاشياء الي كنت اهتم فيها

وصارت حياتي متمحورة حول الطب الي هو الشي الي بكرهه

زمان كنت اتابع تلفزيون و مباريات كتير و بطلت

وكنت العب بلاي ستيشن كتير lol! وكمان بطلت
Admin
Admin
Admin

عدد المساهمات : 443
تاريخ التسجيل : 11/10/2008

https://medicine2005.ahlamontada.net

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى