مذكرات طبيب شاب

استعرض الموضوع السابق استعرض الموضوع التالي اذهب الى الأسفل

مذكرات طبيب شاب

مُساهمة من طرف ملك في الجمعة نوفمبر 27, 2009 9:18 pm

كل عام وانتم بخير ؛
سبق وانعرضت على المنتدى فكرة قراءة كتاب محدد وابداء الرأي فيه ، بس شكله المبادرة ما انكتب الها النور وما حدا تبرع وحط اسم كتاب معين علشان نحاول نقرأه ، بس في كتاب بظن انه بيناسب الجميع واللي بيقرأه رح يشوف مثال على طالب تخرج من كلية الطب وانحط امام الامر الواقع وبدا يمارس مهنته كطبيب في اول شهر بعد التخرج في مكان معزول عن الامدادات وفي ظروف صعبة وحروب واوجاع واوبئة ،والاصعب من هيك انه ما في طبيب عنده خبرة اكثر منه ممكن يساعده ، هو في البداية كان رح يستسلم بس هو قرر انه يتحدى الظروف ويصمد لاخر لحظة وفعلا نجح ، الكاتب كمان بعرضه لتفاصيل الحالات اللي عالجها بيلخص صورة كاملة لوجه من وجوه الانسانية البحتة وهي العطاء اللي بيتجاوز حدود الخدمة الطبية لقدرة الانسان على انه يعطي وبشكل مستمر ولاقصى حد وفي اصعب الظروف اذا نظر للنصف الممتلئ من الكأس .
الكتاب اسمه ( مذكرات طبيب شاب ) للكاتب الروائي ( ميخائيل بولفاكوف ) وهو طبيب روسي ، الكتاب ما رح يمر مرور الكرام في الذاكرة ، اكيد رح يترك اثر ايجابي .
اعتقد الموضوع لا ادب ولا فلسفة ولا تاريخ .

ملك

عدد المساهمات : 21
تاريخ التسجيل : 08/11/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مذكرات طبيب شاب

مُساهمة من طرف Admin في الجمعة نوفمبر 27, 2009 9:26 pm

فكرة حلوة كتير

و اتمنى الكل يلتزم فيها

لانه الاتفاق على قراءة كتاب معين سيساعد الاخرين على قراءته

بس سؤال وين ممكن نلاقي هذا الكتاب

_________________
medicine2005.ahlamontada.net

الطريقة الحضارية للتعلم

Admin
Admin

عدد المساهمات : 443
تاريخ التسجيل : 11/10/2008

معاينة صفحة البيانات الشخصي للعضو http://medicine2005.ahlamontada.net

الرجوع الى أعلى الصفحة اذهب الى الأسفل

رد: مذكرات طبيب شاب

مُساهمة من طرف بهاء في الجمعة نوفمبر 27, 2009 10:16 pm

كل عام والجميع بالف خير

اختيار موفق للكتاب ، والادب الروسي غالبا ما بكون اختيار موفق للقراءة ( ولاجل المصادفة فانا حاليا بقرأ كتاب ( كتب ) الطفولة والصبا والشباب لتولستوي الروائي الروسي الكبير )

بس ان شاء الله يكون التفاعل اكبر من هيك ، ولو شارك في الموضوع كبداية اربع او خمس اشخاص فبعتقد انه بداية ممتازة

ليث : الكتاب موجود في مكتبةالجامعة ( وهي بالمناسبة بتحتوي على مخزون ممتاز من الروايات الروسية وكثير منها غير موجود في الاسواق )

شكرا على اعادة فتح الموضوع ، وبانتظار رأي كل شخص بقرأ الكتاب ..

بهاء

عدد المساهمات : 102
تاريخ التسجيل : 26/05/2009
العمر : 29

معاينة صفحة البيانات الشخصي للعضو http://wattan.wordpress.com

الرجوع الى أعلى الصفحة اذهب الى الأسفل

رد: مذكرات طبيب شاب

مُساهمة من طرف اسراء في السبت نوفمبر 28, 2009 12:12 am

شجعتوني أقرأ هالكتاب
لقيته على النيت للي بحب يحمله

http://www.4shared.com/file/161050260/3eb84af8/mothakerat.html

ان شاء الله رح اقرأه

مشكوووورة ملك Smile

_________________


Everything in this world can be seen as u wish to.good or bad .simple or complicated.easy or
difficult.Its not how things are,its about how u look up to them.and how u look up to them is all up to
you!


اسراء

عدد المساهمات : 694
تاريخ التسجيل : 19/10/2008
العمر : 29

معاينة صفحة البيانات الشخصي للعضو http://www.6abib.com/ask

الرجوع الى أعلى الصفحة اذهب الى الأسفل

رد: مذكرات طبيب شاب

مُساهمة من طرف بهاء في السبت نوفمبر 28, 2009 12:56 pm

شكرا اسراء على التفاعل وعلى النسخة الالكترونية من الكتاب
بس حبيت احكي ملاحظة صغيرة او اقتراح صغير
جزء كبير من متعة القراءة هي في انك تمسك الكتاب بايدك وتقرأه ، واذا كان الكتاب ملكك تكتب ملاحظات صغيرة على الهامش وتحمل الكتاب معك في البيت او في المواصلات او في اي مكان ثاني ..
ممكن تكون النسخ الالكترونية مريحة وسريعة ورخيصة، لكن متعة القراءة من الكتاب هي قصة مختلفة تماما

ومرة ثانية شكرا جزيلا اسراء على مشاركتك ، وبضل اللي حكيته مجرد ملاحظة ما بتقلل من جهدك ابدا ...

وكل عام والجميع بالف خير

بهاء

عدد المساهمات : 102
تاريخ التسجيل : 26/05/2009
العمر : 29

معاينة صفحة البيانات الشخصي للعضو http://wattan.wordpress.com

الرجوع الى أعلى الصفحة اذهب الى الأسفل

رد: مذكرات طبيب شاب

مُساهمة من طرف اسراء في السبت نوفمبر 28, 2009 2:36 pm

بهاء كتب:شكرا اسراء على التفاعل وعلى النسخة الالكترونية من الكتاب
بس حبيت احكي ملاحظة صغيرة او اقتراح صغير
جزء كبير من متعة القراءة هي في انك تمسك الكتاب بايدك وتقرأه ، واذا كان الكتاب ملكك تكتب ملاحظات صغيرة على الهامش وتحمل الكتاب معك في البيت او في المواصلات او في اي مكان ثاني ..
ممكن تكون النسخ الالكترونية مريحة وسريعة ورخيصة، لكن متعة القراءة من الكتاب هي قصة مختلفة تماما

ومرة ثانية شكرا جزيلا اسراء على مشاركتك ، وبضل اللي حكيته مجرد ملاحظة ما بتقلل من جهدك ابدا ...

وكل عام والجميع بالف خير

اكييد بوافقك بكلامك
والدليل هو انه بتلاقي عنا كل كتب الطب بالنسخة الالكترونية
بس ما بنقرأ بلاخير غير اللي نشتريه ونمسكه بايدنا
بس انا لو بدي اشتري كتاب بخلي الاولويه للي بحتاجه بدل من المطالعة
عشان هيك بدور على الالكترونية
بس كم معنا مدة نقرأ هاد الكتاب؟؟؟ لانه اذا بضل مفتوحة صعب نمشي مع بعض

وهاد الكتاب للي بحب يقرأه مباشره على النيت رفعته على سكربيد

http://www.scribd.com/doc/23284712/%D9%85%D8%B0%D9%83%D8%B1%D8%A7%D8%AA-%D8%B7%D8%A8%D9%8A%D8%A8-%D8%B4%D8%A7%D8%A8

_________________


Everything in this world can be seen as u wish to.good or bad .simple or complicated.easy or
difficult.Its not how things are,its about how u look up to them.and how u look up to them is all up to
you!


اسراء

عدد المساهمات : 694
تاريخ التسجيل : 19/10/2008
العمر : 29

معاينة صفحة البيانات الشخصي للعضو http://www.6abib.com/ask

الرجوع الى أعلى الصفحة اذهب الى الأسفل

رد: مذكرات طبيب شاب

مُساهمة من طرف Scorpion Payne في السبت نوفمبر 28, 2009 4:03 pm

بداية الفكرة كثير حلوة انه نحط اسماء كتب ننصح بعض فيها
و الكتاب شكله جميل و بدي "احاول اقرأه" لأنه قراءة الكتب من الكومبيوتر عندي صعبة
بس منشوف شو منساوي
بس يا ريت لو ننصح بعض بكتب بعيده عن الطب
لأنه صرت اهرب هريبة لأنه اذا بكون بدرس و بدي اغير جو ...... منطلع مع اكمن شب
و بتلف على الطب او المواضيع الطبية !!!!!!! مش لهالدرجة

بي اس : بهاء بشو بتنصح بكتاب !!؟

_________________




علم صحيح
+
مجاهدة للنفس
+
عدم يأس من رحمة الله
+
حسن ظن بالله
=
إنسان متميز تحبه الملائكة وتنشغل به وتدعو له


Scorpion Payne

عدد المساهمات : 266
تاريخ التسجيل : 18/10/2008
العمر : 29

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مذكرات طبيب شاب

مُساهمة من طرف Scorpion Payne في السبت نوفمبر 28, 2009 4:07 pm

بي اس : حدا حاول يفتش او يستعير هذا الكتاب من المكتبة !!

_________________




علم صحيح
+
مجاهدة للنفس
+
عدم يأس من رحمة الله
+
حسن ظن بالله
=
إنسان متميز تحبه الملائكة وتنشغل به وتدعو له


Scorpion Payne

عدد المساهمات : 266
تاريخ التسجيل : 18/10/2008
العمر : 29

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مذكرات طبيب شاب

مُساهمة من طرف بهاء في الأحد نوفمبر 29, 2009 3:47 pm

حمزة : الكتاب موجود في مكتبة الجامعة ... شكلك ما قرأت الردود Wink

وبالنسبة للكتاب : خلينا نلتزم كلنا بكتاب واحد ، ولا تقرأ الكتاب على اساس انه بحكي عن طبيب ، اقرأه على اساس انو تجربة شخصية لشخص ثاني ممكن تتعرف عليه ...الادب الروسي كثيييييير حلو ورح يشدك ، والمرة الجاي وعد مني انو الكتاب يكون بعييييييد عن الطب والاطباء والفلسفة والتاريخ ... محضرلكم 5 او 6 عناوين رح تعجبكم ...ولو تكرم يا حمزة Smile

اسراء : يعني لو كانت المدة اسبوعين ثلاث بتوقع كافية ، ويا ريت اذا حدا استعار الكتاب من المكتبة ما يطول فيه كثير ، حتى يكون في مجال للكل يقرأ ، واذا بتعرفوا حد مهتم بالمطالعة وما بدخل على المنتدى خبروه بلكي عجبته الفكرة ..

موفقين ان شاء الله وكل عام والجميع بالف خير

بهاء

عدد المساهمات : 102
تاريخ التسجيل : 26/05/2009
العمر : 29

معاينة صفحة البيانات الشخصي للعضو http://wattan.wordpress.com

الرجوع الى أعلى الصفحة اذهب الى الأسفل

رد: مذكرات طبيب شاب

مُساهمة من طرف Scorpion Payne في الأحد نوفمبر 29, 2009 6:59 pm

الله يجزيك الهير بهاء
صراحة قرأت عن الردود بس شكلي ما كنت مركز !!!
مهو اللي عجبني في الكتاب انه بحكي عن تجربه ..... بس كلمة "طب - طبيب - ... الخ" هذه الكلمات صارت بتخوف عندي
ان شاء الله بقرأه و منشوف كيف الوضع ....... و الفترة اللي حكيت عنها 2 - 3 اسابيع كافية

يلا بستنى في اسم الكتاب تبعك يا بهاء

بالتوفيق

_________________




علم صحيح
+
مجاهدة للنفس
+
عدم يأس من رحمة الله
+
حسن ظن بالله
=
إنسان متميز تحبه الملائكة وتنشغل به وتدعو له


Scorpion Payne

عدد المساهمات : 266
تاريخ التسجيل : 18/10/2008
العمر : 29

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مذكرات طبيب شاب

مُساهمة من طرف بهاء في الإثنين ديسمبر 28, 2009 3:30 am

السلام عليكم
حاولت خلال الفترة الماضية اتابع الكتاب في مكتبة الجامعة ... وللاسف الشديد الكتاب ما حد استعاره من المكتبة طوال فترة الشهر الماضي!
على العموم هالكلام مش معناه انو الفكرة فاشلة ، بالعكس الفكرة حلوة جدا لكن ممكن التطبيق ما كان صحيح او المتابعة للفكرة ما كانت بالمستوى المطلوب...
على اي حال ، الكتاب ممتع للقراءة كخواطر او مذكرات اكثر منه كعمل روائي او قصصي - وباعتقادي انو الكاتب ما كان بحاول اصلا يصل لمرحلة العمل الروائي او القصصي ..
يمكن تكون لغة الكتاب ضعيفة شوي من الناحية الادبية ، لكن هالمشكلة موجودة بالكثير من الروايات المترجمة من الروسية بالذات نظرا للضعف العام في مستوى المترجمين اللي اغلبهم ما بكونوا من المتخصصين، وبالتالي فالباحث عن المتعة الادبية البحتة في الروايات ما بتوقع انو الروايات الروسية المترجمة هي المكان الصحيح حتى يبحث فيه

كطلاب طب، الكتاب بمثل بالنسبة النا تجربة حلوة للمقارنة بين طالب الطب قديما وطالب الطب حديثا ، والكم الهائل من توسع العلوم اللي حصل ما بين كتابة الرواية (1917 ) والوقت الحالي بطريقة خفيفة غير منفرة

اما من الناحية الانسانية ، فالكتاب باعتقادي ببسط الامور اكثر من الواقع، والنهاية السعيدة هي الغالبة في اكثر الاوقات ، وفكرة انو الكاتب الطبيب سيطر على نفسه في مواقف صعبة جدا حتى للاطباء المتخصصين فكرة طوباوية جدا وبعتقد انو الكاتب حاول يستخدم الخيال بطريقة مكشوفة اكثر من اللازم وبالتالي فقد بعض المصداقية في نقل الواقع

اجمل فكرة في الكتاب نجح الكاتب في نقلها برأيي هي اكتشاف الطبيب الشاب انه سمعة الطبيب السابق كانت ناتجة من جهل المحيطين اكثر منها ناتجة عن مهارة وعلم الطبيب السابق، وبالتالي اكتشاف الطبيب الشاب انه افضل وامهر من الطبيب السابق وانه كل اللي بحتاجه هو مجرد ثقته بنفسه وثقة الآخرين فيه حتى يخرج كل طاقاته ... برأيي هون كانت اهم فكرة في الكتاب

ككل ، انا بمنح الكتاب درجة 6 من 10 كمذكرات وليس كمجموعة قصص قصيرة

على اي حال
اول شهر انتهى ... وبالنسبة لكتاب الشهر التالي ، فاسمحولي اقترح كتاب بعتبره من اروع الكتب اللي ممكن تقرأها... كتاب بسيط لكن جماله وروعته في بساطة افكاره ولغته، والجميل انو الكتاب ما فقد كثير من سحره بالترجمة، الكتاب مرحلة وسطية بين الشعر والنثر، لكن من دون مبالغة واسفاف وتكلف القوافي كعادة بعض الكتاب، وهو في النهاية وصف لاخلاق وقوانين ومبادئ شخص ممكن يكون اي واحد فينا ، وهو بمثل الجانب الانساني من كل شخص ، جانب الانسان اللي بخطئ وبتعلم من خطأه وبحب الناس والحياة وبحب اعداؤه مثل ما بحب اصدقاؤه وبحب الحياة بكل تفاصيلها... باختصار الكتاب كما وصفه كاتبه هو ملاحظات في تقبل الفشل واحتضان الحياة

ما رح اطيل الوصف ، الكتاب هو للرائع باولو كويليو بعنوان دليل محارب النور او فارس النور
الكتاب حجمه صغير ( 150 صفحة من القطع الصغير ) وممكن تقرأه كاملا خلال يوم او يومين مع اني بنصح انك تقرأو على مدى اسبوع او اكثر حتى تفهم كل معانيه

اخيرا، الكتاب موجود في مكتبة الجامعة، وموجود في مكتبتي المتواضعة وبكون اكثر من سعيد اعيره لاي شخص مهتم ...

آسف على الاطالة وبتمنالكم قراءة ممتعة

بهاء

عدد المساهمات : 102
تاريخ التسجيل : 26/05/2009
العمر : 29

معاينة صفحة البيانات الشخصي للعضو http://wattan.wordpress.com

الرجوع الى أعلى الصفحة اذهب الى الأسفل

رد: مذكرات طبيب شاب

مُساهمة من طرف بهاء في الإثنين فبراير 22, 2010 2:56 pm

السلام عليكم
مع انو شكله الموضوع ما اله شعبية كثير، بس على الاقل في 5 اشخاص مهتمين بالموضوع، ومعي بيصيروا 6 Smile ، عشان هيك رح احط اليوم كتاب للشهر الجديد، وان شاء بتستفيدوا منه ...
للشهر الجديد بقترح رواية عزازيل للكاتب يوسف زيدان ... ما بعرف اذا موجودة في مكتبة الجامعة، بس على الاقل موجودة عندي واي شخص مهتم ممكن اعيره اياها
الرواية سلسة وممتعة وفيها فكرة عميقة ، وعدد صفحاتها 370 (من القطع الصغير) بس اذا اندمجت فيها ممكن تخلصها في يوم واحد ( مثل ما عملت انا D: )
للمهتمين، شدوا حيلكم واقرأوا الرواية ، الشهر الجاي رح نطلع من جو الروايات ، طبع الا اذا كان في حد ثاني عندوا اي اقتراح بهالخصوص
قراءة ممتعة Smile

بهاء

عدد المساهمات : 102
تاريخ التسجيل : 26/05/2009
العمر : 29

معاينة صفحة البيانات الشخصي للعضو http://wattan.wordpress.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى