طلاب 2005 بكلية الطب الجامعة الاردنية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

محاضرات طب الأطفال لكل الدفعة

4 مشترك

اذهب الى الأسفل

محاضرات طب الأطفال لكل الدفعة Empty محاضرات طب الأطفال لكل الدفعة

مُساهمة من طرف معاذ الحمد الجمعة أكتوبر 09, 2009 7:57 pm

السلام عليكم...
خلال الأسبوع الماضي، انتشرت في أوساط الطلبة المداومين طب أطفال إشاعات تتعلق بموعد محاضرات طب الأطفال التي ستعقد لجميع طلبة الدفعة ( وهي تختلف عن السيمنارات التي يحضرها الطلبة المداومون في قسم طب الأطفال فقط)....

البعض أرجع مصدر هذه الإشاعات إلى المقيمين أو إلى ال (fellows)، والبعض الآخر نسبها إلى الدكتورة إيمان بدران شخصياً...

والحقيقة أن المهم في تلك الإشاعات لم يكن مصدرها، وانما كان محتواها...
فالإشاعات تقول أن موعد تلك المحاضرات سيكون في تمام الساعة السابعة والربع صباحاً، وأنها ستبدأ يوم الأحد 18/10 وستمتد حتى نهاية الفصل الأول...

في الحقيقة، شكلت هذه الإشاعات مفاجأة لجميع الطلبة بغض النظر عن موقفهم من محتواها، وذلك لأن المعروف من السنوات السابقة أن هذه المحاضرات تعقد في فترة ما بعد العصر، وليس ما قبل الصبح!!

ولكن، بقيت هذه الأخبار مجرد إشاعات، ولم يولها معظمنا اهتماماً كبيراً، حتى جاءنا التأكيد يوم الخميس الماضي...

في صباح يوم الخميس، وبينما كنا جالسين في مكتب الأأطباء في الطابق السابع ينتظر كل منا أن يبدأ "الراوند" مع الأخصائي أو المقيم، جاءتنا الدكتورة شروق، وهي الfellow المسؤولة عن تنظيم أمور دوام الطلبة ومتابعة حضورهم وغيابهم، لتؤكد لنا صحة هذه الإشاعات، ولتبلغنا أن القسم قد قرر فعلاً عقد تلك المحاضرات " الصباحية" وإن كان الإعلان الرسمي وجدول المحاضرات لم يصدرا بعد. الدكتورة شروق أبلغتنا أيضاً أن القسم قد قرر أن يغلق باب غرفة المحاضرة (والتي قد تكون في مجمع القاعات الطبية، وهو أمر لم يحسم بعد) في تمام الساعة السابعة وعشرين دقيقة، وأنه لن يسمح لأي طالب بالدخول بعد ذلك....


ما أريده من عرض الموضوع هنا هو أن أسأل زملائي وزميلاتي على هذا المنتدى: هل يناسبكم هذا الموعد "بعد الفجري" للمحاضرة، أم أن الموعد القديم بعد العصر كان سيناسبكم أكثر؟؟؟ أرجو أن تفيدوني برأيكم، علنا إن وجدنا أن هذا الموعد لا يناسب معظمنا نعترض عليه قبل أن يصدر الإعلان الرسمي " وتوقع الفاس في الراس"....

أذكر بأن كل ما ورد أعلاه هو "إشاعات" تم تأكيدها من دكتورة هي المسؤولة الأأولى في القسم عن شؤون طلبة سنة خامسة، وأن القسم ذاته -حتى مع صحة هذه الأخبار- قد يراجع نفسه ويعود ليقرر موعد آخر للمحاضرة (أو ربما يلغيها أصلاً، من يدري؟؟!)، وبالتاي فأنا لست مسؤولاً عن أي مما ورد علاه....

شكراً لكم، أعتذر على الإطالة،وأرجو أن يشاركنا الجميع بآرائهم القيمة....
معاذ الحمد
معاذ الحمد

عدد المساهمات : 61
تاريخ التسجيل : 21/05/2009
العمر : 37

الرجوع الى أعلى الصفحة اذهب الى الأسفل

محاضرات طب الأطفال لكل الدفعة Empty رد: محاضرات طب الأطفال لكل الدفعة

مُساهمة من طرف اسراء الجمعة أكتوبر 09, 2009 8:56 pm

وعليكم السلام ورحمة الله

محاضرة على 7 وربع؟؟؟؟؟ يعني ما اظن هاد قرار حكيم ..لانه 3 ارباع الدفعه ما رح تحضر
سواء كانت قادرة توصل عالوقت او ما توصل
بالنسبة الي .........من سابع المستحيلات اوصل عالمحاضره اذا بدي اطلع مواصلات ..وابوي مش مجبر كل يوم يوصلني ويطلع بعدي بساعه على دوامه بدل ما اطلع معاه الصبح وانتهى.

وهاي نقطه كتير مهمه في الاعتراض
لانه في ناس كمان برا عمان وبدهم وقت ليوصلوا
غير هيك ......نصف الابواب بالجامعه بتكون لسا مسكرة
يعني عيب نيجي قبل الشحادة وبنتها مع العلم بانه المحاضرة المسائيه بتكون انسب للكل
لانه اذا كان دوامنا بلاساس متاخر فما فيها مشكلة
واللي بخلص بدري ممكن يضل يدرس في مكتبة المستشفى - اللي بتستنى الطاولات - او اذا في وقت محرز ينزل على المكتبة الرئيسيه
وما اظن في اي طالب ممكن يوافق على هاد القرار مهما كان

وانا بشجع الكل من هلأ نوحد صوتنا ونعترض عليه قبل ما يطلع

والله يجزيك الخير د.معاذعلى فتح الموضوع وتنبيهنا عليه.
اسراء
اسراء

عدد المساهمات : 694
تاريخ التسجيل : 19/10/2008
العمر : 36

http://www.6abib.com/ask

الرجوع الى أعلى الصفحة اذهب الى الأسفل

محاضرات طب الأطفال لكل الدفعة Empty رد: محاضرات طب الأطفال لكل الدفعة

مُساهمة من طرف Admin الجمعة أكتوبر 09, 2009 11:06 pm

هلا معاذ

فعلا مسخرة

يعني افرض واحد دوامه بيبلش على ال 9

شو بده يجيبه على السبعة الصبح

واصلا المفروض تكون هاي المحاضرات براوند الاطفال وبس
شو هالمهزلة وقلة التنظيم

كلية فاشلة تنظيميا بمعنى الكلمة

يخلوها على الستة احسن ! Razz
Admin
Admin
Admin

عدد المساهمات : 443
تاريخ التسجيل : 11/10/2008

https://medicine2005.ahlamontada.net

الرجوع الى أعلى الصفحة اذهب الى الأسفل

محاضرات طب الأطفال لكل الدفعة Empty رد: محاضرات طب الأطفال لكل الدفعة

مُساهمة من طرف بهاء السبت أكتوبر 10, 2009 12:07 pm

السلام عليكم

يعني هو انا عندي اعتراض على فكرة وجود كل المحاضرات من اصله وطريقة ادارتها ، بس مش وقته....
يا جماعة اذا بدكم تعترضوا فانا رايي نعترض على فكرة المحاضرة اصلا، مش كل ما رئيس قسم قرر يضيع وقتنا لازم نعمل زي ما بده...
اذا اقترحنا المحاضرة تصير المسا رح نصير تحت رحمة اطباء الاطفال، يوم على ال4 ويوم الدكتور مشغول ويوم اجلوها شوي للخمسة
بقترح تعترضوا على وجود المحاضرة، واذا ما ردوا علينا بقترح ما حد يحضر ولا محاضرة، على الاغلب زي ما رح اعمل انا
بس بتصفي المشكلة بهالكم شب وبنت اللي مستعدين يحضروا المحاضرة لو كانت عالخمسة الصبح او سبعة المسا
الله يهديهم
بيعطوا عذرللمستشفى حتى يعملوا اللي بدهم اياه...
بهاء
بهاء

عدد المساهمات : 102
تاريخ التسجيل : 26/05/2009
العمر : 36

http://wattan.wordpress.com

الرجوع الى أعلى الصفحة اذهب الى الأسفل

محاضرات طب الأطفال لكل الدفعة Empty رد: محاضرات طب الأطفال لكل الدفعة

مُساهمة من طرف معاذ الحمد السبت أكتوبر 10, 2009 12:49 pm

ما بنفع يا بهاء إنا نعترض على فكرة المحاضرة في هذا الوقت على الأقل...
لإنه ما بنفع القسم يحكي بدنا نعمل محاضرة في وقت كذا نروح إحنا نحكيله" الغي المحاضرة كلها!"!!!

أنا شايف إنه نضلنا هلاأ على فكرة محاولة تعديل الوقت، لإنه مناقشة فكرة وجود المحاضرات بدها وقت أطول والنقاش فيها رح يكون على نطاق أوسع... يمكن يوصل لرئاسة الجامعة وتدخل فيه كليات أخرى!!!

فخلينا هلأ بمشكلتنا الأصلية...

بالمناسبة... أنا من هالكم شب وبنت اللي مستعدين يحضرو المحاضرة متى ما كانت، وعشان هيك مغلب حالي وعم بشاور إذا كان الوقت ما بناسب بقية الطلاب زي حالاتي ولا بالعكس بناسب معظمهم، لإني في الحالة التانية ما رح أعترض ورح أكتفي بمحاولات تنسيق مواعيدي مع بقية العيلة....

وبالمناسبة كمان، بحضورنا المحاضرات احنا ما بنعطي للمستشفى أي عذر يعمل أي اشي.... المستشفى بعمل اللي بده اياه بغض النظر عن موافقة الطلاب أو عدم موافقتهم، وهذا شيء معروف للجميع....

دمت بخير يا صديقي... والسلام عليكم ورحمة الله وبركاته
معاذ الحمد
معاذ الحمد

عدد المساهمات : 61
تاريخ التسجيل : 21/05/2009
العمر : 37

الرجوع الى أعلى الصفحة اذهب الى الأسفل

محاضرات طب الأطفال لكل الدفعة Empty رد: محاضرات طب الأطفال لكل الدفعة

مُساهمة من طرف Admin السبت أكتوبر 10, 2009 12:58 pm

انا بايد بهاء

لازم كلنا نكون ايد واحدة وما نحضر بالمرة

يعني شو بدو يجيبنا على ال 7

انا دوامي على 9 و يادوب بلحق الدوام

بعدين الي عنده مثلا نسائية او سب سيرجري معقول بده يترك دراسة هاي المواد ويتفرغ لدراسة طب الاطفال

قرار فاشل بمعنى الكلمة

هما امام خيارين يا اما بيخلوا محاضرات كل المواد الساعة سبعة ونص زي سنة رابعة و بالتالي مافي سيمنارات للرواند

او بيقتصروا على سيمنارات الراوندات بدون محاضرات صباحية او مسائية
Admin
Admin
Admin

عدد المساهمات : 443
تاريخ التسجيل : 11/10/2008

https://medicine2005.ahlamontada.net

الرجوع الى أعلى الصفحة اذهب الى الأسفل

محاضرات طب الأطفال لكل الدفعة Empty رد: محاضرات طب الأطفال لكل الدفعة

مُساهمة من طرف اسراء السبت أكتوبر 10, 2009 1:47 pm

هو فعلا صعب نطلب الغاء المحاضرة...برضو عشانا احنا يعني اظن رح نستفيد منهم اذا ما في سمنرات
بس مثل ما قال الادمن ..ليه ما يكون الها سيمنرات مثل السب سيرجري وميدسن...؟؟ عنجد صعب ندرس اطفال مع دوام تاني
بس على كل الاحوال مثل هيك قرار بده يكون على بداية سنة جديده ..لانه اللي داموا اطفال وخلصوا عم بستنوا بهاي المحاضرات
فضل الحل الوحيد هو نعترض على موعد المحاضرة ..ونطالب بالمسائي

بس لازم كلنا نتفق على كيفية التصرف ...لو كنا فعلا يد واحدة واول يومين تلات ما اجا ولا طالب على المحاضرة الصبح ..طبعا واحنا موصلين فكرة انه بدنا تكون مسائيه وما رح نحضر صباحي ...اتوقع رح تتحول مسائيه من اليوم التالي ...لانه العقاب الفردي غير موجود..والعقاب الجماعي هو الغاء المحاضرات كليا ..وهذا صعب لانه الدكاترة ملزمين فيها واتوقع بياخدوا بدل راتب على المشاركة الاكاديمية ..يعني نضل يد واحد لاخر رمق ...واذا ما نفع وقتها بنحاول قدر الامكان نحضر صباحي وامرنا لله
اسراء
اسراء

عدد المساهمات : 694
تاريخ التسجيل : 19/10/2008
العمر : 36

http://www.6abib.com/ask

الرجوع الى أعلى الصفحة اذهب الى الأسفل

محاضرات طب الأطفال لكل الدفعة Empty رد: محاضرات طب الأطفال لكل الدفعة

مُساهمة من طرف بهاء السبت أكتوبر 10, 2009 1:54 pm

معاذ... صلي على النبي

مين حكا انه ما بنفع؟!
وليش المستشفى بقدر يعمل اللي بدو اياه وبدون ما يطلعلنا نعترض؟ ما الاصل من كل هالموضوع انه احنا نستفيد، واذا احنا قررنا انا ما بنستفيد فبالتالي ما في داعي للمحاضرة!!
مش هيك هو الهدف من المحاضرة ولا في اهداف ثانية ما بعرفها؟ مثلا انو رئيس القسم يستعرض عضلاته قدام الاقسام الثانية ؟ او يورجينا انو بقدر يجيبنا على المستشفى في الوقت اللي بدو اياه؟

انا بحترم رأي الأغلبية- بغض النظر عن رأيي انا- واذا كان رأي الاغلبية هو ضرورة وجود المحاضرة فأنا بأيد وجودها ولو قرروا الطلاب انها تكون على السبعة المسا، وساعتها انا بتحمل مسؤولية حضوري من عدمه...
بس المشكلة انو رأي الاغلبية هو عدم ضرورة المحاضرة والدليل انو لما محاضرة ما يوخذوا فيها غياب - وبالتالي بكون للطالب الخيار في الحضور - بتلاقي انو الحاضربن ما بتعدوا 20 - 30 % من طلاب الدفعة!
اللي عم بحكي انو المحاضرة مش جزء مقدس من التعليم، وايام الكتّاب وتلقين المعلومات ولت من زمان، والدليل على هيك انو جامعاتنا اللي ما في منها ولا وحدة بأول 500 جامعة عالمية لسا بتعتمد على نظام الحضور والغياب المتخلف، بينما باقي العالم بوخذ رأي الطلاب في كل شيء وببث محاضراته على الانترنت حتى اذا ظرفك ما سمحلك نحضرها مباشرة او كنت تعبان او او ،،ممكن بكل بساطة تحضرها في البيت...

مشكلتنا يا صديقي انا من كثر ما تعودنا على القمع والدكتاتورية في كل نواحي حياتنا من كبيرها لصغيرها صرنا نشوفها اشي عادي ونسينا انو احنا احرار نقرر شو اللي بناسبنا وشو اللي ما بناسبنا، وصرنا متعودين انو غيرنا يقرر عنا ، ومش بس متعودين، وكمان احيانا مبسوطين!!!!!!

على العموم القرار مش الي ولا الك، القرار لكل الطلاب وانا واياك لازم نحترمه،، مش هيك يا صديقي العزيز؟؟!!
بهاء
بهاء

عدد المساهمات : 102
تاريخ التسجيل : 26/05/2009
العمر : 36

http://wattan.wordpress.com

الرجوع الى أعلى الصفحة اذهب الى الأسفل

محاضرات طب الأطفال لكل الدفعة Empty رد: محاضرات طب الأطفال لكل الدفعة

مُساهمة من طرف معاذ الحمد السبت أكتوبر 10, 2009 5:01 pm

السلام عيكم، مرة أخرى
يبدو إنه هناك سوء تفاهم
الأطفال يا جماعة عندهم سيمنارات، كل يوم صباحي ومسائي
بس النقاش فيها بكون على الغالب عن clinical approach to....
وهدا اشي حلو ما شفناه في معظم الأقسام الأأخرى، وهو يتماشى مع أساليب التعليم الحديثة (مش هيك يا بهاء؟؟!)
أما المحاضرات فالهدف منها شرح المادة النظرية للطلاب، وهي برأيي مفيدة جداً بغض النظر عن المادة أو الدكتور...

برجع بأكد إنه أنا مش فاتح الموضوع عشان نتناقش عن جدوى وجود المحاضرات من عدمه، أنا سألت سؤال محدد: هل الموعد مناسب للأغلبية وبالتالي ما أعترض ولا مش مناسب للأغلبية؟؟؟

أرجوكم ما في داعي نفوت بمتاهات أخرى



عدل سابقا من قبل معاذ الحمد في السبت أكتوبر 10, 2009 7:06 pm عدل 1 مرات
معاذ الحمد
معاذ الحمد

عدد المساهمات : 61
تاريخ التسجيل : 21/05/2009
العمر : 37

الرجوع الى أعلى الصفحة اذهب الى الأسفل

محاضرات طب الأطفال لكل الدفعة Empty رد: محاضرات طب الأطفال لكل الدفعة

مُساهمة من طرف معاذ الحمد السبت أكتوبر 10, 2009 5:06 pm

السؤال مازال مطروحاً لكل من شاركنا و من لم يشاركنا برأيه حتى الآن...
هل ترى وقت محاضرات الأطفال في الساعة السابعة والربع صباحاً مناسباً لك أم تفضل المحاضرات المسائية (على افتراض إنك من اللي بيحضرو!)؟؟
معاذ الحمد
معاذ الحمد

عدد المساهمات : 61
تاريخ التسجيل : 21/05/2009
العمر : 37

الرجوع الى أعلى الصفحة اذهب الى الأسفل

محاضرات طب الأطفال لكل الدفعة Empty رد: محاضرات طب الأطفال لكل الدفعة

مُساهمة من طرف Admin السبت أكتوبر 10, 2009 7:53 pm

انا لا اوافق على الساعة 7 وربع و افضل السيمنار مسائي

وعلى فكرة انا سالت طلاب سادسة حاليا


وقالوا لي عملوا الحركة نفسها السنة الماضية و كان الحضور اختياري
Admin
Admin
Admin

عدد المساهمات : 443
تاريخ التسجيل : 11/10/2008

https://medicine2005.ahlamontada.net

الرجوع الى أعلى الصفحة اذهب الى الأسفل

محاضرات طب الأطفال لكل الدفعة Empty رد: محاضرات طب الأطفال لكل الدفعة

مُساهمة من طرف بهاء السبت أكتوبر 10, 2009 10:22 pm

والله ما دامت المحاضرات مفيدة فانا بقترح انها تضل في موعدها الصباحي واذا في مجال تصير على السبعة الصبح بدل سبعة وربع، حتى نحس بلذة طلب العلم واحنا طالعين بعد صلاة الصبح، لانو زي ما بنعرف طالب العلم لازم يضحي بوقته وجهده، وبقترح كمان محاضرة على الخمسة المسا حتى نستزيد من العلم وبقترح كما ننزللهم شيتات في الرائد بمعدل شيتين للمحاضرة الواحدة ويكتب كل شيت طالبين حتى ما يروح علينا ولا ذرة علم

جوابي على السؤال بوضوح : انا بأيد وقت المحاضرة على الساعة سبعة وربع وبعارض اي محاولة لتغييره
بهاء
بهاء

عدد المساهمات : 102
تاريخ التسجيل : 26/05/2009
العمر : 36

http://wattan.wordpress.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى