طلاب 2005 بكلية الطب الجامعة الاردنية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

دوام قسم ophthalmo

اذهب الى الأسفل

دوام قسم ophthalmo Empty دوام قسم ophthalmo

مُساهمة من طرف اسراء السبت أغسطس 22, 2009 1:19 pm

السلام عليكم

القسم يبدأ دوامه على التاسعه !! وهاد احلى اشي بالموضوع

المكان بغرفة سيمنار الطابق الثاني بالعيادات على الشمال من الممر الخلفي وانت طالع من درج الكافتيريا

بكون في سيمنار صباحي 9-10 وسيمنار مسائي 1-2

وما في سيمنار مقيمين ولا رواند ولا هيستوري ولا طابق ولا شي

وعشان هيك احلى دوام كان

هلأ بوزعوا الطلاب كل تنين مع دكتور

والدكاترة هم
د.اسامة عبابنة
د.معتز
د.معاوية البدور
د. محمد العميرة ؟

يوم الاحد بكون فيه عمليات للدكتور اسامه بتجيبوا معاكم السكربس من اول يوم

بعدها كل واحد حسب دكتوره...بروح معه عيادات ...وبكون فيه مع الدكتور مقيم او مقيمين اثنين ...كل طالب بروح عند واحد
لازم يشرحله ويفرجيه كل شي
ومقيمين د.اسامه جدا رائعين ومفيدين..
وانتوا حاولوا تمسكوا جهاز slit lamp قد ما بتقدروا لانه بده ممارسه
بالنسبة لتدريب الاوفثالموسكوب
ففي محاضره عنه رح تجي دكتورة وتقطر عيون الجميع - عن خلاف Razz - وتشوفو على بعض النورمال
اهم اشي نتقن النورمال على بعض لانه اذا احنا ما اتحملنا بعض المرضى ما رح يتحملونا
بضل لازم تشوف على مرضى السكري والاشياء الابنورمال
واحسن اشي هي يوم الثلاثا على ما اظن بكون في عيادة ليزر لدكتور اسامه بكونوا المرضى موسعين وجاهزيين بغرفة الانتظار
وكلهم اكيد ابنورمال
وكل واحد بطريقته بيقدر يشوف المريض

عموما العيادات المسائيه مش كتير بسألوا فيها وبس فرجوهم حالكم بلاول بكفي....

بالنسبة للسمنرات اللي رح تتوزع عالطلاب
د.معتز اللي رح ياخد سيمنار اله بده يحضره منيح منييح ...ومش بس هوو ..الكل بده يحضر الموضوع ويشارك لانه بيسال الكل ..بس اهم اشي لا تجيب سيمنار من اللي قبل لانه بيعرفهم
وتكون فاهم فهم مش بصم بدون فهم لانه بسال اسئلة فهم

الدوسية هي اصلا كتاب lec notes
طبعا اوسع من هيك ما في
بس الافضل الواحد يجيب الكتاب نفسه بدل الدوسيه لانها الصور كلها مش واضحه وحجم الكتاب اصغر بكتير من الدوسية

وبس....
اسراء
اسراء

عدد المساهمات : 694
تاريخ التسجيل : 19/10/2008
العمر : 36

http://www.6abib.com/ask

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى