طلاب 2005 بكلية الطب الجامعة الاردنية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

امتحان المجموعة الأولى في 13/8/2009

3 مشترك

اذهب الى الأسفل

امتحان المجموعة الأولى في 13/8/2009 Empty امتحان المجموعة الأولى في 13/8/2009

مُساهمة من طرف Mohammad Ghalib Riziq الأحد أغسطس 16, 2009 5:58 am

السلام عليكم ورحمة الله وبركاته
ابتداء أعتذر لتأخري بتزويدكم بما امتحنا به يوم الخميس لكن وقبل وضع الأسئلة دعوني أسرد لكم قصة النسائية والتوليد وامتحان الأسكي

منذ بدأ الفصل ونحن نسأل عن امتحان الأسكي للنسائية وبما أنه طلاب سادسة معنا بداوموا فزودونا بالأسئلة وخوفونا من الإمتحان
بأنه أول مجموعة راح يكون امتحانها أصعب امتحان من المجموعات إللي بعدها وبكون أفرجها أوطى أفرج والإمتحان أورال (شفهي)
وفيه منجمنت (مداواة) وتسميع وسؤال ورا سؤال...
ومرت الأيام... وطلاب خامسة كل يوم يمر عليهم لا زم يعيدوا السؤال على من سبقوهم عن هذا الإمتحان المخيف المرعب
حتى إني يوم حلمت إنوا امتحنا الأوسكي ومش متذكر شو بقيتوا فبديش أكذب بالبقية وأأثم لكن لبعرفوا إني صحيت مفزوع وحكيت الحمدلله إنه حلم مش واقع...
ومرت الأيام... وإحنا مندرس على أساس إنا راسبين في الإمتحان لا محالة لكن بنفس الوقت ما قصرنا من دراسة
حيث كنا ننزل عمركز المهارات ندرس اكزامنيشن (فحص) ونروح ندرس انسترمنتس (معدات) (هاي شغلة لما تداوموا نسائية بتعرفوا (: )
وندرس وندرس وندرس
ومرت الأيام... وندرس وندرس
طبعا كل كلمات ندرس هاي تمثل دراسة آخر أسبوعين مش أكثر... مش حد يفهم "ندرس" بأنها من اول الفصل...
ومرت الايام... ومرت الأيام... ومرت الأيام... وندرس وندرس وندرس...
مليتوا من هالأسلوب المذل... بس مش مشكلة لو كل شهرين مرة لا بأس
وأخيرا جاء يوم الإمتحان وهو يوم الخميس 13/8/2009 الساعة 12 ظهرا تجمعنا في قاعة انتظار النسائية في الطابق الأول من مبنى العيادات آخر باب على اليسار لما تيجي من الدرج الأمامي مش الخلفي تبع الدكاترة... اعرفتوا وين مش اتضيعوا...
المهم تجمعنا هناك ننتظر وننتظر وننتظر حتى الساعة 12:30
خرج علينا الدكتور أيمن قطاونة (بتعرفوا بعدين) ينادي عالأسماء
آآه انسيت إنه عال12 نفس الدكتور طلع علينا وحلف يمين إنه لبكون معاه خلوي راح يروح بيت أهله فالكل زتوا خلوياتهم بكرتونه حطولنا إياها بس مش تنسوا تجيبوا الخلوي لما اتخلصوا الإمتحان ولا بروح عليكم
على كل نرجع لكلامنا حيث خرج ينادي عالأسماء
المشكلة إنوهم بنادواعلى لداموا بالجامعة أول ثم لفي المدينة فعشان هيك كنت أول من امتحنوا
المهم... المهم... المهم...
طبعا هم 6 محطات واحدة منهم رست (راحة)
طبعا 6 على كل سايد (جانب)... بالتالي مجموع الداخلين 12 شخصا من أصل حوالي 35 طالب وطالبة
المهم... شو بدكوا بالهحكي الفاضي خفلينا بزبدة موضعنا وهو الإمتحان
آآآه... نسيت أحكي إنه كل محطة 5 دقائق وبين كل محطة والاخرى نصف دقيقة استعداد
والأجمل إنوا الجرس كان عبارة عن جرس من خلوي الدكتور يبعث ستميلس (محفز) للمقيمين ليبدؤا بالرسبنس (الإستجابة)
ألا وهو "التصفير"
فطبعا بتحس حالك بالشارع... وأكيد هيك حس المراجعين بالعيادات المجاورة

نرجع لموضوعنا... الإمتحان...
بس سؤال شو بدكم في الأسئلة منتو مش راح تفهموا إشي لأنكم جهلة وأميين بالنسائية بس يلا بلكي حدا كان فيكم بدرس من ورا الناس كما اعتدنا وبالتالي يفهم ويشرحلكم
على كل نرجع للإمتحان...
نخطوا خطوة تتلوها خطوة... خطوة تتلوها خطوة... حتى وصل كل منا إلى ستيشنته (محطته)

فتنا عالمحطة رقم واحد وكانت:
35 year old female pt, 9 weeks gestation, complain of vaginal bleeding take a detailed hx
المحطة الثانية:
27 weeks gestation, complain of watery vaginal discharge, take a hx, what investigations you need, and what’s your DDX?
المحطة الثالثة:
55 year old female pt, with urinary incontinence, take a hx, give investigations, and management
المحطة الرابعة:
G1P1, female pt complaining of amenorrhea take a detailed hx
المحطة الخامسة:
Rest
المحطة السادسة:
CTG papers… read them and give your diagnosis
They are 5 in number and their answers as follow
1- Normal CTG
2- Hyperstimulation for the uterus
3- Normal not reactive
4- Early decelerations
5- Early decelerations
طبعا زي محكيتلكوا مش رح تفهموا اشي لأنكم لسه ما بتعرفوا في النسائية شيء
طبعا في الاخير فهمتوا من هالأسئلة رغم إنكم ما بتفهموا فيها إشي بس إلا تكونوا فهمتوا اشي واحد هو إنو الإمتحان كانم سهل لدرجة غير متوقعة خلتنا نخبص في الإمتحان لأن الواحد أثناء الإمتحان وهو يوخذ هستوري (سيرة مرضية) كان بلوم عحاله إنو ليش مش عارف يسأل لأنو درس الصعب وترك السهل
بس الحمد لله بشكل عام الإمتحان كان منيح لدرجة هيني كتبت الموضوع وأنا رايق بس بعد يومين من النكد على تخبيص الإمتحان
وأخيرا عشاني رايق كنت كاعد وبحكي وبخبص، بس في الأخير محدش يفهمني غلط لأني بكل حرف وبكل كلمة كتبتها كنت بمزح فيها وآآآآآسف من كل واحد اتذايك مما قلت بس والله بمزح وحبيت أعطي جو
وبكرر ما حدا يزعل من الإطالة بهالشيت هاي فعلا إنها زي شيت
والسلام عليكم ورحمة الله وبركاته
وبالتوفيق...ـ
Mohammad Ghalib Riziq
Mohammad Ghalib Riziq

عدد المساهمات : 328
تاريخ التسجيل : 15/10/2008
العمر : 36
الموقع : www.med-pulse.net

الرجوع الى أعلى الصفحة اذهب الى الأسفل

امتحان المجموعة الأولى في 13/8/2009 Empty رد: امتحان المجموعة الأولى في 13/8/2009

مُساهمة من طرف اسراء الأحد أغسطس 16, 2009 1:05 pm

هههههه الله يسامحك طلعّت روحي وانت بتحكي بدرس وبدرس وبدرس وبدرس Laughing

بس غريب يحكوا صعب وهو هيك سهل !! انا شايفه كله هيستوري..ما في اكزامنيشن..طيب الحمد لله

 بس شو يعني G1P1 ? - من باب الفضول -

Very Happy

مشكور جدا دكتور محمد

الله يجزيك الخير. 
اسراء
اسراء

عدد المساهمات : 694
تاريخ التسجيل : 19/10/2008
العمر : 36

http://www.6abib.com/ask

الرجوع الى أعلى الصفحة اذهب الى الأسفل

امتحان المجموعة الأولى في 13/8/2009 Empty رد: امتحان المجموعة الأولى في 13/8/2009

مُساهمة من طرف Mohammad Ghalib Riziq الأحد أغسطس 16, 2009 4:22 pm

اعتقد طلع سهل من كثر ما جنناهم واحنا خايفين من الامتحان فلذلك سهلوه خاصة لما حاولنا نأجل الإمتحان
فبنصح لبعدنا يعملوا زينا
بالنسبة ل
G1P1
هيي
gravida 1 para 1
طبعا راح تكولوا فسر الماء بعد الجهد بالماء

لأنها بدها شرح طويل كثير كثير كثير وصعب وصعب وصعب


وبالنسبة للإكزامنيشن فيه كثير بس ما جابولنا يمكن للي بعدنا

وشكرا عالمرور
Mohammad Ghalib Riziq
Mohammad Ghalib Riziq

عدد المساهمات : 328
تاريخ التسجيل : 15/10/2008
العمر : 36
الموقع : www.med-pulse.net

الرجوع الى أعلى الصفحة اذهب الى الأسفل

امتحان المجموعة الأولى في 13/8/2009 Empty رد: امتحان المجموعة الأولى في 13/8/2009

مُساهمة من طرف العقرباوي الأحد أغسطس 16, 2009 6:44 pm

بس عنجد شيت
يعطيك العافية
العقرباوي
العقرباوي

عدد المساهمات : 19
تاريخ التسجيل : 01/06/2009
العمر : 36

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى