طلاب 2005 بكلية الطب الجامعة الاردنية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

دوام قسم UROLOGY

اذهب الى الأسفل

دوام قسم UROLOGY Empty دوام قسم UROLOGY

مُساهمة من طرف اسراء السبت أغسطس 22, 2009 12:15 pm

السلام عليكم

هاد القسم يبدأ فيه الداوم بين الساعه 8.10 - 8.15 في الطابق الثالث
بكون د.عبد الحميد -مقيم خامسة - بانتظاركم
بلفوا راوند سريعه عالمرضى ..بس بحكوا فيها الاسم والتشخيص
بعدين بروحوا على غرفة السيمنار بالتالت
بكون فيه morning report وايام فيه سيمنار للمقيمين
وبعدها بكون سيمنار الطلاب

هلا توزيع الدوام بكون على 3 دكاتره وهم:
أ.د.مجلي محيلان
د.بسام عماري
د.غازي العدوان

كل دكتور بنضل عنده 3 ايام وبنتبدل
وبتداوم مع الدكتور حسب برنامجه ..بخبروكم اياه ..وبناخد المرضى تاعونه كلهم

المهم في الاسبوع التاني قبل الامتحان...تكتبوا عن الحالات خلال الرواند لانها هي اللي رح يجي منها بلامتحان

دكتور مجلي بده تسلمه 2 هيستوري اخر الروتيشن
ودكتور بسام بده تسلمه موضوع مطبوع من المواضيع اللي اله بالسمنارات
ودكتور غازي بده سلامتنا دايما

وبالنسبة للعمليات - بتضلوا فيها لحد ما يقرب السيمنار المسائي وهو من 3 -4 كل يوم !!!
يعني د.مجلي بطلع 3 الا تلت ...والباقي اظن نفس الشي بس ما حضرتلهم

وفي نقطه اذا المقيم اللي عليه السيمنار المسائي - غالبا د.اسامة او د.عبد الحميد او د.سامر - اذا تأخر وما اجا..اتصلوا فيه من تلفون الكاتب ..لانه رح يضل عليكم السيمنار وهو بكون ناسي مش اكتر

باختصار القسم حلو والتعامل كويس..اهم اشي تحسسوهم انك بدكم تتعلموا خاصه بالعيادات ...د.سامر بشرح كتييير وبفيد كتيير ...فاستغلوهم

وبخصوص الدراسه ..فالصراحه انها الدوسية فاشله وفيها معلومات خطأ او ناقصه او غير كافيه
في كتاب اوكسفورد بس كتير موسع ما حدا جابه نزلناه من النيت ..هيو موجود هون بالمنتدى عشان نرجعله ببعض المعلومات
احنا كنا نكتب الزيادات على الدوسيه سواء بالسمنارات او الرواندات بحكوها ونصحح الاخطاء ونمشي
وبندرس معها سيمنرات الطلاب اتوقع بتصير كافيه
الا االلي عنده اهتمام بالموضوع للمستقبل بيقدر يجيب كتاب

وسلامتكم

اسراء
اسراء

عدد المساهمات : 694
تاريخ التسجيل : 19/10/2008
العمر : 36

http://www.6abib.com/ask

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى