الاسلاموفوبيا؟؟

الاسلام بحجر عليييينا....بلغي دورنا...بقيدنا
المرأة كرامتها مهضومة...حريتها مسلوبة وبس للمتعة ومن غير حقوقها
الصلوات كثيرة كل نص ساعة وساعة
والصيام بعمل هيبوغليسيميا
والحج مكان لانشار الاوبئة وانفلوزا الخنازير
وحماس راكبة راسها وما بتعرف بموازين القوى
والناس وصلوا القمر ولسا بدكو تحجبو المراة او النسوان
اصلا VD فيه نقص عند المحجبات
وغيرو كثييير كثييير من كلام ما بزيدنا الا تميز بين غيرنا
وبنسو الاسلاموفبييين انو اسلامنا العظيم ودستورنا"""القرآن الكريم"""
دعنا في مئات الايات الكريمة"افلا يعقلون..افلا يتدبرون...افلا يبصرون"
ويمكن المرأة عنا الها كرامة الملكة الآمرة الناهية ومفتاح الاحسان"خيركم خيركم لاهله..."
ودايما بحكي قصص اصحابي في الجامعة الي تزوجوا كيف حياتهم هسه...كلها سعادة ....عقبال عندكم
وصوموا تصحوا والحج موسم تعايش الثقافات والعادات والاعراف في ظل "ان اكرمكم عند الله اتقاكم"
وحماس كسبت قلوب ملايييييييييييييين الشباب بحب وقدوة ولهفه بدون ما تملك ذهب ولا ماس بس بالايمان العميق..والاخاء الوثيق والعمل المستمر الدؤوب
وكأنوا الي على شط سدني VD عندهم بالعالي؟؟؟هذا نفاه العجلوني
...
يا اخوة الكلام كثير بس والله الوقت قليل قليل
اذا كنا حابين نحط ايدينا بايدين بعض ونتجاوز الكلام والحكي والجدل
وننتقل لمرحلة البناء.. بناء الذات بعلم الدين والدنيا"يعني الطب" والخلق الكريم والرائ الثابت على الخير لو الكون كله العايشين والميتين عارضنا
لازم قلوبنا تتشرب""الايمان"" ونبدا....نبدا ندير حياتنا بالايمان والعلم بثقة ويقين انو مستقبلنا في الاسلام العظيم
وما تخجل..ولا تضعف...ولا تأجل
احنا على الحق و الخير والعدل

يسلمو يا احمد على هالموضوع الحلو والمهم

يعني فعلا صورة ديننا العظيم تشوهت كثير في الغرب ، واكيد لما يكون الدين هو الاسلام بكل دقته وروعته وكماله وروحانيته، فالطريق الوحيد لتشويه صورته هو الكذب والتلفيق ، لانه الاسلام مش بحاجة لأكثر من نقله على طبيعته بكل بساطة وموضوعية، ورح تتكفل تعاليم الاسلام السمحة بنشر حالها بحالها...

بس السؤال : شو عملنا احنا حتى ننقل هاي الصورة للغرب؟ شو عملنا حتى يتعرفوا على ديننا العظيم ورسولنا الكريم على حقيقتهم؟

اكيد في جهود مشكورة من بعض الافراد الي بكرسوا جزء محترم من وقتهم لهيك اشياء، بس هالموضوع ما بكتمل الا اذا عرف كل مسلم انو حامل لرسالة هالدين، وانه ممكن من موقعه اللي هو فيه يخدم الدين بأكثر ما بنتصور

يعني مثلا :
كل واحد فينا بيمضي ساعة وساعتين وثلاثة على الانترنت كل يوم، طيب لو خلينا زكاة هالساعات ( يعني دقائق قليلة ) في سبيل التعرف على ناس جداد والدخول في غروبات جديدة ونشر الصورة الصحيحة للاسلام؟؟؟؟

كلنا رح نصير اطباء خلال سنوات قليلة باذن الله، لو كل واحد فينا احتفظ في عيادته بنسخ من كتيب صغير بيحتوي على افكار الاسلام الصحيحة والنقية ووزعه على المرضى ؟؟؟؟؟

جزء كبير منا رح يتخصص ويشتغل في الغرب، وممكن هالفئة تكون منبر يوصل افكارنا وصورتنا الحقيقة للشعوب اللي ما بتعرف عن الاسلام الا القليل القليل؟؟؟؟؟

لو كل طبيب فينا بعد ما يتخرج - وبالاخص زملائي الشباب - قرر انو يخصص مدة معينة - اسبوعين او شهر مثلا - سنويا بحيث تكون هالفترة هي بمثابة زكاة للعلم التي حصلت عليه بفضل من الله تعالى، للاشتراك في البرامج الي بتقوم فيها بعض الجمعيات الاسلامية الرائعة - مثل الفيما وغيرها - لمعالجة المرضى في الدول الفقيرة من العالم بحيث العالم يشوف كيف بكون الطبيب المسلم في تعامله واخلاقه؟؟؟؟؟

الافكار كثيرة وموجودة ، بس المشكلة في همة التطبيق وخدمة الدين، ويمكن هاي هية مشكلتنا ...

مشكور يا احمد

و كلام صحيح و جميل عن الاسلام
واكيد في ناس كثير بيحاربوا الاسلام وبيحاولوا ينشروا الاسلامفموبيا
وهذا دورنا كمسلمين في الدفاع عن الاسلام