طلاب 2005 بكلية الطب الجامعة الاردنية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ليش احنا البذات..ولمتى

4 مشترك

اذهب الى الأسفل

ليش احنا البذات..ولمتى Empty ليش احنا البذات..ولمتى

مُساهمة من طرف Dr.Ahmad الخميس يونيو 18, 2009 10:09 am

السلام عليكم يا اخواني ويا خواتي
في موضوع دايما بطرحه على الشباب ليش احنا المسلمين مع انو مبادئنا سليمة واهدافنا نبيلة وما كتب عنا التاريخ انا عملنا مجازر صليبة في بيت المقدس حتى الدم سال في الشوارع وما كتب عنا التاريخ انا رمينا فنابل نووية او عنقودية على هيروشيما ولا عملنا محاكم تفتيش في اوروبا بعذب كل واحد مش مسلم ولا حاربنا العلم ولا قتلنا العماء مثل ما صار في اوروبا في العصور الوسطى وما كتب التاريخ عنا انا عنا عبيد نبيعهم ونشتريهم بس هذا كله انكتب عن كثير من دول واديان في العالم..بالعكس
لما دخل الرسول مكة لما حررها من الناس الي عذبوه حكالهم اذهبوا انتم الطلقاء وكان الي بخترع اشي مفيد للناس بنعطى وزنه ذهب وكان المسيحيين واليهود بتلقوا معاملة حسنة في بلادنا وكان لا يقتل في الحرب الا المحارب ولا يتعرض حدا للمدنيين

هذا هو الفرق بينا وبين غيرنا
او هذا هو الفرق بينا انفسنا لما نكون متمثليين افكارنا الي ربنا...رب العالمين علمنا اسسها
وبينا انفسنا لما نكون بنستحي من افكارنا واخلاقنا
اما لمتى.... فحتى يكون24 ساعة من 24 ساعة في رضى ربنا ورسولنا
وما حدا بخالفني انو ربنا بدو مني ادرس واجتهد بكل طاقتي واحافظ على صلاتي في وقتها واني احترم والدي وما احط فلوسي في بنك بتعامل بالربا وانو احسن للفقير وما احب اليهود القتلة وما اقبل التعاطي مع مصالحهم وانو تكون علاقتي مع الجنس الاخر متوازنة وضمن الشريعة
انا بشوف زيكم انوا الاحداث متسارعة ومتقلبة فلازم يا اخوة بحدد موقفنا من كل شئ بصير ونملك زمام المبادرة احنا اهل الخير والعلم والثقافة لان الوقت بمشي بسرعة واهل الضلال والمصالح الشخصية بعملوا بجد ونشاط
انا مستعد اساعد باي مبادرة او فكرة ورح اسخر كل طاقتي وافكاري لدعمها وبكل الوسائل ولا تخاف مش باسم الاتجاه ولا اللجان
Dr.Ahmad
Dr.Ahmad

عدد المساهمات : 26
تاريخ التسجيل : 12/06/2009

الرجوع الى أعلى الصفحة اذهب الى الأسفل

ليش احنا البذات..ولمتى Empty رد: ليش احنا البذات..ولمتى

مُساهمة من طرف Admin الخميس يونيو 18, 2009 12:43 pm

مشكور على الكلام الجميل

والله كلام حلو

واحنا لازم نحافظ على هويتنا الاسلامية و نؤدي كل المطلوب منا

ونكون مبدعين في دراستنا
وملتزمين بالصلاة وكل احكام الاسلام
Admin
Admin
Admin

عدد المساهمات : 443
تاريخ التسجيل : 11/10/2008

https://medicine2005.ahlamontada.net

الرجوع الى أعلى الصفحة اذهب الى الأسفل

ليش احنا البذات..ولمتى Empty رد: ليش احنا البذات..ولمتى

مُساهمة من طرف بهاء الخميس يونيو 18, 2009 12:55 pm

السلام عليكم
بحكو انو مواضيع الاصلاح بتنبنى على شكل هرم مقلوب، بمعنى انو دائما بتبدأ بفكرة صغيرة وبتبلش تكبر، عشان هيك لازم هاي الفكرة الاساسية تكون فكرة نقية جدا وقوية حتى نقدر نبني عليها..
صدقوني مش كثير حابب انها تكون مساهمتي سلبية، وخصوصا انها اول رد على الموضوع، بس حابب الفت النظر لبعض النقاط في الموضوع:

اول اشي، احنا معروف انه كان في عنا عبيد وكنا نبيعهم ونشتريهم،،،،انا ما بنكر انو الاسلام شجع على التخلص من هالظاهرة بس برضو كانو موجودين،،،،

ثانيا، هاي فعلا مواصفات المسلمين، بس متى؟ ايام زمان.. قبل مئات السنوات، يعني بقدر احكي - وانا عندي اطلاع لا بأس به في التاريخ - انه آخر دولة مسلمة طبقت هاي المبادئ زي ما هي زمن الخلفاء الراشدين، وبصراحة كمان مش كلهم..

انتبهوا
انا هون ما بحكي اي شيء على شخصيات الخلفاء الراشدين او غيرهم من الصحابة، لانو ما بطلعلي انا ولا غيري انا نحكي كلمة وحدة عنهم وعن التزامهم بالدين، بس انا عمالي بحكي عن الصحابة كنموذج لقائد دولة، بعضهم كان عندهم اخطاء في القيادة والادارة، بس عموما كان تطبيقهم للشريعة في كل مناحكي الحكم اكثر من مقبول، وانا هون ما بدي ادخل في موضوع الفتنة بين الصحابة وقتل عثمان ومعركة الجمل والتحكيم وخدعة ابو موسى الاشعري وكربلاء وحصار الكعبة ... الخ

اذا بدك تحكي عن الحكم ايام الدولة الاموية فحدث ولا حرج، هي صحيح كانت دولة ملتزمة بالحد الادنى من تطبيق الشريعة في الحكم، وصحيح كان في نماذج للقادة بتوازي الصحابة في هالمجال، بس كمان كان في نماذج اخرى للخلفاء الامويين بصراحة يندى لها الجبين، وانا ما جبت هاي المعلومات من كتاب مستشرق او واحد حاقد على الدين، جبته من كتب ناس مسلمين ومشهودلهم بالثقة، حتى وصلت الامور بخليفة اموي انو يعتزل دمشق ويقيم مع جارية في احد ضواحيها لانه كان معجب بصوتها في الغناء

اما لما نيجي للدولة العباسية، فهون ما بتقدر ما تشوف كم الاخطاء ، والخطايا ، الي ارتكبوها، وبرضو زي ما بحكي دايما، مع انو في نماذج كانت رائعة في الادارة، بس برضو ما بننكر انو الدولة العباسية بدأت بمذبحة ارتكبوها ضد بني امية، وما حد بنكر ان بعض خلفاء بني العباس عذبوا علماء اختلفوا معهم في الرأي ( قصة خلق القرآن وغيرها)،، بالاضافة الى مجالس اللهو اللي ثابتة في كتب تاريخ كتبها عرب ومسلمين ثقات،،،

وحتى في بعض النماذج الرائعة من القادة المسلمين، بنشوف انه صلاح الدين الايوبي ارتكب بعض الاخطاء غير المبررة، فمثلا قتل صلاح الدين احد العلماء المسلمين الاجلاء - السهروردي - بسبب مجرد وشاية غير صحيحة من الحساد، وكان اول مبنى بناه في مصر، سجن كبير!

طبعا مع كل هالحكي ، لا تنسوا انو الامويين اخترعوا بدعة التوريث اللي ما زالت مستمرة لليوم!

اصدقائي
الهدف من كل هالاستعراض التاريخي احكي انو لازم نتخلص من خرافة انا بنملك 1400 سنة من التاريخ الناصع، ولازم نعترف بانو تاريخنا - زي تاريخ كل الدول في العالم - مليان اخطاء كبيرة او صغيرة، وانه احيانا كان هناك جرائم وقتل ، صحيح تاريخنا بالمقارنة بغيرنا افضل بمليون مرة، لكن كمان لازم ندرس هالتاريخ بطريقة عقلانية بعيدة عن العاطفة، نعترف بأخطائنا ونحاول ما نكررها..

بعدين لازم نعرف منيح انو بناء عقيدة صحيحية وعلاقة منيحة مع ربنا لازم يمشي بالتوازي مع بناء دولة حديثة قوية بشبابها وامكاناتها واسلحتها حتى نوصل للي بدنا اياه، والدين والالتزام عمره ما كان بديل للعلم والاجتهاد وووو.

وبعد كل هالمقدمة - الاطول من مقدمة ابن خلدون - انا بدعم بقوة اي مشروع او فكرة ومستعد اشارك فيها باكثر ما بستطيع، وبنستنى اقتراحاتكم
بهاء
بهاء

عدد المساهمات : 102
تاريخ التسجيل : 26/05/2009
العمر : 36

http://wattan.wordpress.com

الرجوع الى أعلى الصفحة اذهب الى الأسفل

ليش احنا البذات..ولمتى Empty رد: ليش احنا البذات..ولمتى

مُساهمة من طرف Dr.Ahmad الثلاثاء يونيو 23, 2009 7:59 pm

السلام عليكم الاخوة والاخوات
انا بحس دايما انو مشكلتنا مشكلة الفجوة الواسعة جدا بين التنظير والتطبيق فدايما الكل بشكي من الكل مثلا الدكاترة بتشكي من الطلاب والطلاب بشكو من الدكاترة والمرضى بشكو من الدكاترة والدكاترة بتشكي من المرضى والشعب بشكي من الحكومة والحكومة بتشكي من الشعوب والغريب في الموضوع انو الي بشكي قد يكون في جزء من الحلقات سبب في المشكلة او مش سبب في الحل فالكل بشكي والكل بنظّر والاغلب اما انه جزء من المشكلة او مش جزء من الحل

بصراحة في كل نقاشي مع الشباب ومن غير احراج الكل بنتقد الي بسعى للخير ولما تقلو هذا الميدان واسع فرجينا ما بدي احكي انجازاتك بس بدي احكي محاولاتك بتشوف العيون بدات تدور او تبحلق"من د.فرج"

احنا تاريخنا ناصع وابيض واذا في اخطاء جزئية احنا بنرفضها ولا يحق لاحد واعي ان يصف صفحة بيضاء ناصعة فيها نقطة سوداء بانها سوداء الا اذا كان يوصف بانو بعمم وهذا ظلم

دولتنا الاسلامية كانت دولة العلم والتطور في كل المجالات العلمية والدينية والكل بعرف بانو لما كان النا ثقة في اسلامنا العظيم كانت العلوم منتشرة والاختراعات والاكتشفات وكان الي ببدع في اختراع معين يعطى وزنه ذهب وفي نفس الوقت ما بنحكي انو كان المجتمع ملاءكي لكن افضل ما وصل له البشررررررررررررر في الوجود القديم والحديث كان لما كانت اوامر الله ومحمد مقدمة اومنسجمة عن حب مع طاقتي وطموحي واردتي

مع كل المحبة لصديقي بهاء على رده الراااااائع والمعمم... شكلك صرت زي هالواحد....اكيد عرفت ميين؟؟
Dr.Ahmad
Dr.Ahmad

عدد المساهمات : 26
تاريخ التسجيل : 12/06/2009

الرجوع الى أعلى الصفحة اذهب الى الأسفل

ليش احنا البذات..ولمتى Empty رد: ليش احنا البذات..ولمتى

مُساهمة من طرف اسراء الثلاثاء يونيو 23, 2009 8:55 pm

ولا يحق لاحد واعي ان يصف صفحة بيضاء ناصعة فيها نقطة سوداء بانها سوداء
او يمكن عنده cataract!!! من تأثير الاوفثالمو
بس حبيت اشكر د.احمد على الكلام المجسد لروح الحقيقه.... وما في عصر بدون اخطاء...اذا في زمن الرسول عليه السلام كان يخطأ الصحابه والرسول يصحح ويعلم..مثل الصحابي المريض اللي اجبروه اصحابه على الاغتسال فتوفي وقال عليه السلام انهم قتلوه!! لكن هناك من ينظر الى الجانب الفارغ دائماً ..مع العلم انها لا تقارن بالمملوء...فلننظر الى مصدر ما نقرأ...ولا نثق بأي معلومه تذم بتاريخنا ما لم يثبت جزما ذلك في مصادر موثوقه...فالكثير من الشبهات المدسوسه في كتب التاريخ التي تدخل بها المستشرقون ونحن لا علم لنا بها...
اسراء
اسراء

عدد المساهمات : 694
تاريخ التسجيل : 19/10/2008
العمر : 36

http://www.6abib.com/ask

الرجوع الى أعلى الصفحة اذهب الى الأسفل

ليش احنا البذات..ولمتى Empty رد: ليش احنا البذات..ولمتى

مُساهمة من طرف بهاء الأربعاء يونيو 24, 2009 9:03 pm

" يمكن عنده cataract "
" هناك من ينظر الى الجانب الفراغ دائما"
" فلننظر الى مصدر ما نقرأ "
شكرا على اسلوب النقاش العلمي الراقي والرائع والخالي من اي استهزاء، ورح افترض انها الاخت عرفت بكل المصادراللي اعتمدت عليها وقرأتها ( خلال اسبوع ؟ والله ممتاز ) وعرفت انها مصادر غير موثوقة ..


او
يمكن الاحتمال الثاني ، انها الاخت ما قرأت ولا عرفت بس اعتمدت على تأثير تابووهات اتربينا عليها وهي ( التابوهات ) ما الها علاقة بالدين ولا ما يحزنون

يا اختي : دولة الاسلام دولة مدنية ( وبتمنى انك ما تعترضي على رأيي قبل ما تقرأي شو يعني دولة مدنية وليش دولة الاسلام دولة مدنية ، ارجعي لكتب ماذا خسر العالم بانحطاط المسلمين، على ما اظن للندوي ومعركة التقاليد لمحمد قطب ، اذا كانت القراءة على جدول اعمالك ، فيها شرح منيح لبعض هاي المفاهيم) وبالتالي انتقاد الدولة الاسلامية هو انتقاد لمفهوم الدولة مش لمفهوم الاسلام ، بمعنى انو المجالات اللي نقدتها موجودة بكل دول العالم مش لانها دول علمانية او اسلامية او يهودية او مسيحية، بس لانها دول

انا برحب بأي نقاش هادئ عقلاني في اي موضوع كان، وسواء كان برأي مخالف او موافق لرأيي ، لكن برفض الاستهزاء وادعاء العلم وجهل الآخرين لمجرد انهم بخالفونا بالرأي

بعدين
" ولا نثق بأي معلومه تذم بتاريخنا ما لم يثبت جزما ذلك في مصادر موثوقه "
ليش يعني لازم المعلومات اللي بتذم تاريخنا لازم ندقق فيها بينما المعلومات اللي بتمدح ديننا لازم نعتبرها من المسلمات، لمجرد انها بتوافق رأينا؟
شو طريقة هالتفكير هاي؟؟؟!!!!

واخيرا، هنيئا للاخت انها استطاعت الوصول الى ( روح الحقيقة ) ، لاني بعرف ناس كثير ما وصلوا لهالمرحلة المتقدمة من المعرفة، على الاقل من بعد ما انقطع الوحي عن الارض

وسامحونا --- انا فعلا معصب شوي
بهاء
بهاء

عدد المساهمات : 102
تاريخ التسجيل : 26/05/2009
العمر : 36

http://wattan.wordpress.com

الرجوع الى أعلى الصفحة اذهب الى الأسفل

ليش احنا البذات..ولمتى Empty رد: ليش احنا البذات..ولمتى

مُساهمة من طرف اسراء الخميس يونيو 25, 2009 4:06 pm

انا مش من محبي قراءة التاريخ...وما بهتم اعرف مين بالزبط اللي كتب التاريخ
بس عندي حس انه المعلومه الي بقرأها في مجال للشك فيها او لأ ..سواء كانت معلومة مدح أو ذم...وكلامي كان بالتعميم لنتأكد من مصادر ما بنقرأ...وما اتوقع كان ردة الفعل انك تعصب "شوي" مادام انت واثق بمصدر قراءتك..لاني انا ما حكمت على اي مصدر ولا اشي ولا ذميت فيها...اعتبرها مجرد نصيحة يا اخي!! مش """وادعاء العلم وجهل الآخرين لمجرد انهم بخالفونا بالرأي"" !!!!!!!!!!!!!!! شو هالتضخيم هاد!!!!!!!!!!


و جملة هناك من ينظر الى الجانب الفارغ مقصوده
لانه كان واضح الهدف من الموضوع الاصلي..انه يركز على النقاط الحسنه في تاريخنا..وانه نفتخر انه عنا هيك تاريخ اسلامنا " مش دولتنا في الموضوع"...عن الجانب المملوء وهو الاعظم...وما اتوقع رد تفصيلي عن عكس الفكرة الاساسية بالموضوع هو من رأي موافق للفكرة اساسا!!

على كل حال...كان من الخطأ اني ارد اصلاً...لانه مزبوط.. في سوء فهم.. انا بحكي عن روح الحقيقه في عظمة الاسلام "اللي كلنا وصلنالها من صغرنا" ..وانت بتحكي اخطاء الدولة الاسلاميه و ما بعرف فيها كتير ومش كتير انتريستيد بالموضوع...

واخيراً...ما كان القصد هو المسخرة من ردي..واسفه اذا هيك انفهم...لكن كل يغني على ليلاه...
اسراء
اسراء

عدد المساهمات : 694
تاريخ التسجيل : 19/10/2008
العمر : 36

http://www.6abib.com/ask

الرجوع الى أعلى الصفحة اذهب الى الأسفل

ليش احنا البذات..ولمتى Empty رد: ليش احنا البذات..ولمتى

مُساهمة من طرف بهاء الخميس يونيو 25, 2009 5:02 pm

كان العالم العظيم الامام الشعراوي ، رحمة الله عليه ، يركز دائما في تفسير القرآن على خواتم الايات ، وكثير كان يذكر بان ربنا سبحانه وتعالى ما اختار كلمات من قبيل يعقلون، يتذكرون، يتفكرون وغيرها بدون سبب، وهي كلمات كلها بتدل على استخدام العقل في التفكر حتى يصل الشخص الى حقيقة الاله الواحد الخالق..

واضح تماما انو هالوصية الالهية العظيمة ما لاقت طريقها الى عقولنا وقلوبنا بالشكل اللازم، و دائما بنبقى مصرين على تحكيم عواطفنا في اشياء ما بجوز نحكم فيها الا عقولنا ، لمصلحة عقيدتنا واسلامنا

طبعا كل واحد حر في طريقة تفكيره، بس المستغرب انو الشخص يهاجم اسلوب تفكيرك ، ويحكي عن اشياء مدسوسة وملفقة، ويرجع بعدها بايام قليلة ليحكي انو ما حكي اي شيء عن معلوماتك او عن افكارك، وكانه امة اقرأ - ويا سبحان الله - ما بكتفو بعدم قراءة اشياء كتبوها غيرهم، وصارو حتى ما بقرأوا الاشياء اللي كتبوها بايديهم...

الرد االخير كشف النقطة الاساسية في هالمعضلة اللي ورطنا فيها، وهي النقطة بتتمثل في منهج غريب عجيب، ممكن يحكم على التاريخ ويحاكمه ويحكي عن صحته وخطأه مع انه مش ( انترستد ) - يعني مهتم - بالموضوع ولا بقراءته ، يعني بالضبط زي طبيب باطني بيحكي عن شغل جراح انه مش كويس لمجرد انه حاسس بهيك...

يبدو انو الشرط الاساسي ليتم قبول افكارك انك تصفق وتهلل وتدعو بالويل والثبور على كل واحد ضال بخالفك الرأي ، وما دام الموضوع بحكي عن حسناتنا ومزايانا قبل 1000 سنة ، فلازم نهتف ونبرز مزايا تاريخنا ونهرب من اخطائنا ( كأنه ممكن نلغي هالاخطاء بمجرد تناسيها ) والا فمصيرك معروف .....

وبالمناسبة ، انا اليوم كثيير كوووووووووووول - يعني رايق ومش معصب بالمرة
بهاء
بهاء

عدد المساهمات : 102
تاريخ التسجيل : 26/05/2009
العمر : 36

http://wattan.wordpress.com

الرجوع الى أعلى الصفحة اذهب الى الأسفل

ليش احنا البذات..ولمتى Empty رد: ليش احنا البذات..ولمتى

مُساهمة من طرف Dr.Ahmad الخميس يونيو 25, 2009 9:12 pm

الله يسامحكم على هالاسلوب الحاد في النقاش الي ما اعتقد انو بضيف النا ايجابيات احنا محتاجينها ولا بمحي سلبيات احنا بحاجة للتخلص منها
Dr.Ahmad
Dr.Ahmad

عدد المساهمات : 26
تاريخ التسجيل : 12/06/2009

الرجوع الى أعلى الصفحة اذهب الى الأسفل

ليش احنا البذات..ولمتى Empty رد: ليش احنا البذات..ولمتى

مُساهمة من طرف اسراء الجمعة يونيو 26, 2009 10:13 am

وخدعة ابو موسى الاشعري


http://www.ahlalhdeeth.com/vb/showthread.php?t=88120
اسراء
اسراء

عدد المساهمات : 694
تاريخ التسجيل : 19/10/2008
العمر : 36

http://www.6abib.com/ask

الرجوع الى أعلى الصفحة اذهب الى الأسفل

ليش احنا البذات..ولمتى Empty رد: ليش احنا البذات..ولمتى

مُساهمة من طرف بهاء الجمعة يونيو 26, 2009 1:05 pm

السلام عليكم

الحمد لله انو هالنقاش اخذ منحنى ايجابي ومفيد اكثر، وفي هاي النقطة بشكر الاخت اسراء، وزي ما حكيت مسبقا ما عندي اي مشكلة في انو حدا يخالفني بالراي بشرط انو يكون الخلاف عقلاني ومنطقي

انا فعلا ذكرت خدعة ابو موسى الاشعري، وذكرت لاني قرأتها في اكثر من مصدر، واليوم زادت معرفتي بهالموضوع كمان شوي والفضل بعود الى النقاش العلمي الصحي، الي ادى الى معرفتي بمصدر جديد ممكن يقربنا الى حقيقة الموضوع اكثر ...

احنا مجتاجين الى حوار من هالنوع بالضبط، بحيث انه كل شخص يقدم ادلة على صحة رأيه، ونناقش هالادلة مع بعض ونوصل بالاخير الى راي مشترك بكون اقرب الى الحقيقة، لانه فيما عدا الامور المسلم فيها في عقيدتنا ، فكل شيء قابل للنقاش، وكل شخص منا بيملك جزء من الحقيقة لكن ما حدا بملكها كاملة ، و ما بجوز نرفض اي رأي مهما كان في نظرنا غلط ومنافي للحقيقة ، ويعني لو كانت الايجابية الوحيدة لكل الي صار هو انو الاخت دورت وقرأت ووصلت لمصدر بدعم رأيها في الموضوع فانا بعتقد انها ايجابية منيحة كثير

على العموم لو كان الوضع بسمح كان اوردت مصادر على صحة رأيي، وكان حكيت اي ملاحظات الي ممكن تكون موجودة على المصدر اللي اوردته الاخت، لكن بما انو الاجواء هاليومين كانت متوترة شوي، فبفضل انو هالموضوع يتأجل الى اشعار آخر، مع استعدادي لمناقشة الموضوع في اي وقت، مش حتى اثبت صحة رأيي او خطأ رأي حد آخر، بس حتى يكون نقاشنا بناء وهادف ...

سبحانك اللهم وبحمدك
نشهد ان لا اله الا انت
نستغفرك ونتوب اليك


wattan.wordpress.com
بهاء
بهاء

عدد المساهمات : 102
تاريخ التسجيل : 26/05/2009
العمر : 36

http://wattan.wordpress.com

الرجوع الى أعلى الصفحة اذهب الى الأسفل

ليش احنا البذات..ولمتى Empty رد: ليش احنا البذات..ولمتى

مُساهمة من طرف اسراء الجمعة يونيو 26, 2009 4:57 pm

احنا مجتاجين الى حوار من هالنوع بالضبط، بحيث انه كل شخص يقدم ادلة على صحة رأيه، ونناقش هالادلة مع بعض ونوصل بالاخير الى راي مشترك بكون اقرب الى الحقيقة، لانه فيما عدا الامور المسلم فيها في عقيدتنا ، فكل شيء قابل للنقاش، وكل شخص منا بيملك جزء من الحقيقة لكن ما حدا بملكها كاملة ، و ما بجوز نرفض اي رأي مهما كان في نظرنا غلط ومنافي للحقيقة

اكيد هاد الكلام الصح..وانا كمان بفضل هاي الحوارات لأنه مافي رأي خاطئ كليا او صحيح كلياً...
لكن بما انا خرجنا عن هدف الموضوع الاصلي اللي طرح لأجله...- وهذا السبب الاساسي في سوء التفاهم في البداية من طرفي - فما بفضل نكمل الموضوع هنا... وبنقدر نفتح نقاش واراء حول اي موضوع بشكل منفصل ويقدم كل منا رأيه...

بخصوص خديعة ابي موسى فانا انتظر النقاش حولها عندما تتاح الفرصه...

يبدو د.بهاء ان لديك حب قراءة التاريخ وتفنيده...وهذا جميل..لانه ميولاتنا تختلف من شخص لآخر..ولكن للأسف انا ليس لدي اي رغبة في التدقيق في التفاصيل حول التاريخ ..وهذا ما قصدت به - مش انتريستيد Smile - ...لكن افضل ان اعرف القليل عن كل شيء..لذا من الممكن ان اقوم بالبحث والتحري حول اي موضوع واشارك به بشكل مفصل ... وممكن ان يشمل اي موضوع وليس فقط تاريخي او ديني

سبحانك اللهم وبحمدك
نشهد ان لا اله الا انت
نستغفرك ونتوب اليك
اسراء
اسراء

عدد المساهمات : 694
تاريخ التسجيل : 19/10/2008
العمر : 36

http://www.6abib.com/ask

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى