بخصوص الأحداث الأخيرة ، وقوانين جديدة للمنتدى

استعرض الموضوع السابق استعرض الموضوع التالي اذهب الى الأسفل

بخصوص الأحداث الأخيرة ، وقوانين جديدة للمنتدى

مُساهمة من طرف Admin في الأحد مايو 31, 2009 11:37 am

السلام عليكم

كما تعلمون كانت هناك مشكلة في اليوم الاخير بخصوص العضو نور لعدم كشفه هويته ولانه استغل سرية هويته بكتابة ردود سياسية و ارسال رسائل خاصة مزعجة لبعض الاعضاء

لذا اضطررت اسفا لايقاف هذا العضو

وقد تم استحداث قانون في المنتدى بحيث يشترط الكشف عن هويتك للاعضاء الاخرين

وذلك لان المنتدى هو لطلاب يعرفون بعضهم بعضا ولا داعي لاخفاء هويتنا عن بعضنا

واتمنى مرة اخرى اذا حدث لاي عضو ان ازعحه اي عضو اخر بطريقة ما الا يرد عليه وانما فليرسل لي رسالة خاصة وساتصرف مع ذلك العضو

واتمنى منكم جميعا الا يتكرر ماحدث البارحة لانه وبكل اسف اساء لشكل المنتدى

ولا اعرف لم وصلت الامور لهذا الحد وكان يمكن حل المشكلة بكل سهولة بارسال رسالة خاصة لي وينتهي الموضوع

اتمنى لكم عطلة طيبة وعذرا عن كل المشاكل التي حصلت

_________________
medicine2005.ahlamontada.net

الطريقة الحضارية للتعلم

Admin
Admin

عدد المساهمات : 443
تاريخ التسجيل : 11/10/2008

معاينة صفحة البيانات الشخصي للعضو http://medicine2005.ahlamontada.net

الرجوع الى أعلى الصفحة اذهب الى الأسفل

رد: بخصوص الأحداث الأخيرة ، وقوانين جديدة للمنتدى

مُساهمة من طرف بهاء في الأحد مايو 31, 2009 12:08 pm

السلام عليكم
اول شيء حابب احكي ان اي كلمة في هالرسالة هي كلمة عامة ما بتخص اي حدى معين وبتشمل كل المشتركين في المنتدى وانا اولهم..
ثاني شي انه يبدو هالقانون كانو ضروري على ضوء الردح المتبادل اللي قرانا في المنتدى مؤخرا
وثالث شي حابب احكي اني مستغرب جدا من مجموعة من افضل العقول في الاردن ، شباب وشابات مؤدبين ومثقفين ومستواهم العلمي عالي ، ما بقدروا يفتحوا نقاش متحضر ويكملو على خير ...
يبدو انو الشرقيين بشكل عام والعرب بشكل خاص ما رح يتنازلو عن هالصفة بسهولة، صفة العناد والاعتقاد انو انا صح والباقي كله غلط، ويبدو كمان بدنا سنوات وسنوات حتى نصل لمرحلة ممكن فيها نحترم اآراء الاخرين ونعترف بامكانية يكون رأينا غلط..
انا آسف جدا انه مجموعة طلاب ما بتعدى عددهم مئة وثمانين طالب ، كلهم بنفس العمر، وكلهم عندهما كم كبير من الهم المشترك، وكلهم بشوفو بعض اكثر من اهاليهم في كثير من الايام ومع هيك ما بقدروا يلاقو صيغة مشتركة للتفاهم ..
يبدوا ان لازم يدرسوا كل طالب في الجامعة والمدرسة مادة اسمها آداب الحوار

بهاء

عدد المساهمات : 102
تاريخ التسجيل : 26/05/2009
العمر : 29

معاينة صفحة البيانات الشخصي للعضو http://wattan.wordpress.com

الرجوع الى أعلى الصفحة اذهب الى الأسفل

رد: بخصوص الأحداث الأخيرة ، وقوانين جديدة للمنتدى

مُساهمة من طرف اسراء في الأحد مايو 31, 2009 1:15 pm

السلام عليكم

ايوا هاد كان لازم يكون من زمان...مش انه حبا في كشف الشخصيات..بالعكس ما بهمنا..بس لانه اللي صار ممكن يفتح ابواب لقدام..وفعلا زي ما قلت ..احنا بنعرف بعض لي الكلية والمنتدى هدفه واحد دراسي...مش انه ندخل نتخفى ونعمل الي بدنا اياه
انا بعترف اني اخطات كان لازم اخبرك انك تتخذ الاجراء المناسب...بس اللي صار تجاهي كان في هدف شخصي في الموضوع..فاضطريت اتصرف من عندي اول...وبعتذر على الاساءه غير المقصوده للمنتدى فللي صار امس...لكن صدقا غير مقصود ..وهاد لسا اقل من القليل ..تجنبت اعمل اكتر من هيك احتراما للمنتدى
وكمان ما كان في داعي توقف هداك العضو..لانه كان رح يترك المنتدى قبل ما توقفه Smile
شكرا مرة تانيه ادمين
وبس ملاحظه للاخ بهاء...الموضوع ما كان للحوار اصلا...كان مقصود فيه هيك يصير والحمد لله انه صار...وشغلة تانيه..في ناس ما بتستاهل تتحاور معهم بادب الحوار...فيا اما ما بنتحاور معهم من الاساس ..يا بنتحاور معهم بلاسلوب اللي بناسبهم .

_________________


Everything in this world can be seen as u wish to.good or bad .simple or complicated.easy or
difficult.Its not how things are,its about how u look up to them.and how u look up to them is all up to
you!


اسراء

عدد المساهمات : 694
تاريخ التسجيل : 19/10/2008
العمر : 29

معاينة صفحة البيانات الشخصي للعضو http://www.6abib.com/ask

الرجوع الى أعلى الصفحة اذهب الى الأسفل

رد: بخصوص الأحداث الأخيرة ، وقوانين جديدة للمنتدى

مُساهمة من طرف 7us في الأحد مايو 31, 2009 4:06 pm

و الله بتخيّل يا أخ بهاء انو من ابسط شروط الحوار اكون في موضوع نتحاور عليه و شخصين عل الأقل, بس الي كان عم بصير مش هيك للأسف,,,ما كان في موضوع, و انما كان في حزازير و رسائل شخصيه مزعجه لبعض الافراد في ظل أجواء "سسبنسيّة" و هاد اشي مش لطيف, و اخفاؤه هويته اشي و اصراره عل الموضوع مع وجود اهداف و نوايا مبطّنه اشي ثاني,,,طبعا هاد اذا بدنا نخصص الموضوع,, اما اذا بدنا نعممّه, فانا بتخيّل مستوى الحوار عنا متردّي لأكثر من سبب منها:

اول اشي احنا شعوب تعوّدنا انك ما بتوخد حقّك بالادب و المنطق, انما بالبعبعه و التشبير و تكون بتعرف فلان و علتان و هاد الاشي كان موجود من زمان, فاسلوبنا ( بالرغم من بدائيته ) هو نتيجه منطقيه لواقع سيّء ,,, بالاضافه لانو عنا موضة انو كل راس ما اله كبير, و هاي اشي جد عجيب, يعني بعض الدكاتره بالمستشفى ما حد بمون يحكي معهم!!!و هاد بنظري اشي مقرف...و اكيد ظاهرة الرووس مش بس موجوده بالمستشفى, بس انا عم بحاول اوضح الفكره..... يعني بتروح عالسكرتيره عسان تشرحلها مشكله معينه ممكن تنحل بسهوله, بتلاقيها بتشبّر و بتصير ادّيون, بس لما يحكي معها المسؤول اللي اكبر منها عشان نفس المشكله بتلاقي الموضوع انحل عل تلفون,,,, و لما تروح توخد علاماتك من هل شخص ما برضى يعطيك اياهم وبعمل حالها غريندايزر مع انو بعض الناس بكونوا عارفين علاماتهم من اسبوع ( و بدّيش احكي الاسئله كمان).....

ثاني اشي هو ترباية الأهل بالبيت, يعني في اشخاص غير مؤهلين عقليا انهم اديروا بالهم على حالهم بتلاقيهم اتزوجوا و خلفوا عرّة ولاد, و للأسف بكون اسلوب تربيتهم عشوائي جدا و سيء, يعني بكون فرحان على ابنوا الي ما طلعوا سنان انو بسب و ...... عشان يصير زلمه , و بكون عادي جدا انو في حزب ولاد و بنات بالبيت, و البنات ضمنيا بمستوى اقل من الولاد, فبطلع الولد للمجتمع بقناعه انو البنات كائنات حمقاء و هوه ابو دحّه عشانه شب, وهو عادي يكون طول نهاره داير بس البنت لازم تكون غير هيك....

هلئ كل هاد مش عذر, بس اسباب مؤثره و مش لازم نتجاهلها, فلما تكون الزعبره طريق محفّز بالواسطات و المعارف للوصول للاهداف, فما تستبعد انو الناس تسلكه ( و برجع و بقول : بالرغم من بدائيته) pirat

حسام بدر


زائر

7us
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى