برشلونة...برشلونة...حتى الموت!!!

استعرض الموضوع السابق استعرض الموضوع التالي اذهب الى الأسفل

برشلونة...برشلونة...حتى الموت!!!

مُساهمة من طرف معاذ الحمد في الأربعاء مايو 27, 2009 10:57 pm

اليوم كان في عندي مناسبة عائلية...
خطبة!!
وكانت بتخلص على الساعة 8 المسا...
أخدت اختي واخواني في هالسيارة، ورحنا نحضر الخطبة...
ولإنو موقع القاعة في مكان أزمة شوي، كنت كتير حامل هم الرجعة....


وصارت الساعة 8...
اطلعنا بهالسيارة، توكلت على الله ، وبلشت رحلة العودة للبيت...
وعلى الطريق...
كانت المفاجأة...
الشوارع فاضية!!!!



الحقيقة هي ما كانت مفاجأة كاملة..
لإني نوعاً ما كنت متوقعها....
كيف؟؟؟

واحنا في الخطبة، كان الموضوع الرئيسي في صالة الرجال هو عن...
مباراة برشلونة ومانشستر!!
الكل كانوا بأكدوا على أهمية (!!) حضور هاي المباراة العظيمة(!!!)...

وكتير تركوا القاعة بكير عشان يلحقوا يحجزولهم محل في واحد من الكوفي شوبات اللي بتجيب المباراة...

ومع إنه المباراة-حسب ما خبرني أخوي- بتبلش على العشرة..
بس الكل كانوا مستعجلين ، منو عشان يلحقوا محل في الكوفي شوبات، ومنه عشان يسمعوا التحليل قبل المباراة...



وما صارت الساعة 8، إلا وهي هالشوارع كلها فاضية، والسيارات اللي مفروض تكون معبية الشوارع مكومة على أبواب الكوفي شوبات....

وأحلى ما في الموضوع، إنه ترويحتي على البيت كانت ميسرة...



ما رحت أحضر المباراة؟؟ لأ طبعاً ما رحت، أصلاً أنا لجديد تا عرفت إنه برشلونة فريق اسباني!...
ولهلأ ما بعرف هالمباراة "الخطيرة " تابعة لأي بطولة بالضبط!!!



هل أنا ضد الرياضة وحضور المباريات؟؟؟برضو لأ طبعاً!
واللي بدي إياه من فتحي لهدا الموضوع مش إني أنتقد اللي بحضرو هاي المباراة أو أي مباراة غيرها..!!!

اللي بدي إياه هو إني أسأل كل واحد حضر المباراة ...
يا ترى هل بتعرف إنه الكنيست الإسرائيلي صوت اليوم على أحد أكثر القوانين عنصرية في تاريخ البشرية الحديث؟؟!!

النص التالي مقتبس من الجزيرة نت...

((صادق الكنيست الإسرائيلي اليوم بالقراءة الأولى على مشروع قرار يقضي بالسجن عاما كاملا لكل من يرفض الاعتراف بأن إسرائيل دولة يهودية ديمقراطية.
وقال مدير مكتب الجزيرة في فلسطين وليد العمري إن تحول المشروع إلى قانون يحتاج قراءتين أخريين مشيرا إلى أن ذلك يبدو ممكنا لأنه حصل على أصوات 57 من النواب الذين ينتمون في غالبيتهم إلى أحزاب اليمين وأقصى اليمين.
وأشار إلى أن إسرائيل تستطيع بموجب هذا القانون ملاحقة أي عربي داخل البلاد بتهمة أنه لا يعترف بكون إسرائيل دولة يهودية.
وذكر وليد العمري أنه إلى جانب هذا القانون هنالك قانونان آخران يجري تحضيرهما ويستهدفان فلسطينيي عام 48 هما قانون يمنع إحياء ذكرى النكبة ومشروع "قانون الولاء والمواطنة" الذي يلزم أي عربي عند حصوله على بطاقة هوية بأداء قسم الولاء لإسرائيل. ))

نهاية الاقتباس


تخيلوا...
بتهيألي أنو واضح لكل من يقرأ الخبر السابق شو هو الهدف من وراء هاي القوانين...

اعتراف خطي من كل فلسطيني بشرعية دولة اسرائيل...
نسيان ذكرى النكبة وعدم إحيائها...
والسجن لكل من يرفض ذلك!!!


فيه عنصرية أكتر من هيك؟؟!!!


بس صدقوني...
إحنا اللي طمعناهم وخليناهم يتمادوا...

لإنا من أكثر من 60 سنة واحنا نايمين...

وكل أكمن سنة ، بشوفونا قربنا نصحى، فبطلعولنا إشي جديد عشان ننام عليه..
زي الولد الصغير، اللي كل ما بده ييجي يصحى، إمه بتغنيله أو بتهزله سريره عشان يرجع ينام...


هاي القوانين ، وقوانين كتير غيرها، عم تتمرر باستمرار..
واخواننا داخل الخط الأخضر أوضاعهم جداً صعبة، بدون ما حدا يدري فيهم...

ليش ما حد داري فيهم؟؟
لإنه العرب همهم الوحيد هالأيام إنهم يضلهم قاعدين في الكوفي شوبات (أو على الجزيرة الرياضية)،و يصيحوا...
"برشلونة!
برشلونة!"


حتى الموت!!!!

معاذ الحمد

عدد المساهمات : 61
تاريخ التسجيل : 21/05/2009
العمر : 29

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: برشلونة...برشلونة...حتى الموت!!!

مُساهمة من طرف Scorpion Payne في الأربعاء مايو 27, 2009 11:12 pm

مهو هاد الهبل اللي عم بصير
اوكي يا عم شجع برشالونه ولا مدريد ولا مين ما كان .... بس تسلاية مش اكثر

بس هاي الايام ...
مذابح الله وكيلك ..... طوش و مشاكل و في توقع عجبني قرأته قال
ولدت مدريدي و سأموت مدريدي
سبحان الله--- يحشر المرىء مع من يحب

_________________




علم صحيح
+
مجاهدة للنفس
+
عدم يأس من رحمة الله
+
حسن ظن بالله
=
إنسان متميز تحبه الملائكة وتنشغل به وتدعو له


Scorpion Payne

عدد المساهمات : 266
تاريخ التسجيل : 18/10/2008
العمر : 29

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: برشلونة...برشلونة...حتى الموت!!!

مُساهمة من طرف اسراء في الأربعاء مايو 27, 2009 11:49 pm

حسبي الله ونعم الوكيل!!
ايش هالخبر اللي كاتبينه!! شو الاعتراف باسرائيل !! هاي مش مصيبة ..كاااارثه!!
عنجد اشي بحزن...عنجد انه الواحد نفسه يرتاح من هالدنيا ولا يعيش بهيك دنيا Sad
الله يكون بعونكم يا اهلنا بفلسطين ...خلينا نايمين احسن ..لا واذا تحركنا كمان بنطب بدون ما نفكر..ولا باشي فالحين الحمد لله .
وقال برشلونه !! اي حلوو عنا يااااا... جد لما اشوف رجل طول بعرض ومحموق بهالمباريات الفارطه ..وهاد هو همه بهالدنيا..انه بصير بعيني قد الهسهسه - مع احترامي للجميع...بس انا ما بطيق اسمع كلمة مباراه او اشوف شكلها ..
بس زي القرود بنطنطو بهالملعب bounce
نفسي افهم شو الاثاره فيها
عنجد حد يفهمني او يقرب الصوره عشان افهم شوي !! ما بمزح

_________________


Everything in this world can be seen as u wish to.good or bad .simple or complicated.easy or
difficult.Its not how things are,its about how u look up to them.and how u look up to them is all up to
you!


اسراء

عدد المساهمات : 694
تاريخ التسجيل : 19/10/2008
العمر : 29

معاينة صفحة البيانات الشخصي للعضو http://www.6abib.com/ask

الرجوع الى أعلى الصفحة اذهب الى الأسفل

رد: برشلونة...برشلونة...حتى الموت!!!

مُساهمة من طرف noor في الخميس مايو 28, 2009 12:43 am

السلام عليكم
يا زلمة إنت دايما بتفشلي غلّي ,الله ينصر دينك .
وهاي الشغلة كثير قاهريتني ,يعني مثلا لما أفتح على موقع الدستور و أشوف أكثر المواضيع قراءة بكون يا عن الفيصلي أو الوحدات أو برشلونة أو مدريد يعني باختصار بكون خبر رياضي , والله إنو إشي بخزي , وبقولولك إنو تسلاية وروح حرر فلسطين يا شاطر ومش عارف إيش .
أولا: تصديقا لما قاله أخونا حمزة وهو حديث نبوي شريف ,يحشر المرء مع من يحب ( يعني عن جد والله والله إنو هذا الحديث خطير , يعني إنت ما بتابع مباراة أو بتشجع فريق إلا إذا بتحب المباراة وبتحب الفريق , والله يا إخواني إنو هذا الحديث خطير ) .
ثانيا (وإن شاء الله أعرف أعبّر ) : إنت لازم تكون منمية فيك البذرة الصح يعني ( عن جد مش عارف أعبر بس يا رب تفهمو قصدي ) الله سبحانه وتعالى فكرك بقبل أي واحد يموت في سبيله ؟ لا وحاشاه طبعا , "ويتخذ منكم شهداء" -آل عمران 140 . يعني فكرك الشهداء اللي منسمع عنهم أو منشوفهم كان ناس عاديين , ربنا تبارك وتعالى بقول "ويتخذ" يعني مثلا أنا متأكد من دون ما أشوفهم إنهم كان يقوموا الليل (مش يسهروا على الرياضة) وكان يقرأوا القرأن ويحفظوا كمان ..الخ , يعني اللي بقصدو إنو لازم الواحد يكونو معبأ ذهنيا بدينه يعني أقل القليل وبما إنو الحدود مسكرة أقل القليل إنو نعرف أخبار أهلنا في الأرض المحتلة مش تكون أخبار الرياضة و الهبل من أكثر الأخبار متابعة , عن جد أعجبتني يا معاذ والله يجزيك الخير إنك فتحت هالموضوع لأنو منتشر بدرجة كبيرة بين شباب الإسلام .
يعني مثلا( وبجوز تحكو شو إلو خص هاذ ) لما أستاذنا د.خالد الكركي سمّى أولاده على أسماء شهداء مؤتة, فكرك ما بأثر هذا في نفوسهم وفي تفكيرهم وفي القوة المحركة إلهم نحو خدمة دينهم وتحرير مقدساتهم ؟ تخيلو مجرد بس إسم .
يعني اللي بقصده إنو الواحد لازم يكون very involved بمشاعره وأحاسيسه وحركاته وتفكيره وبكل إشي بما يخدم دينه ومعتقده وبالأسباب اللي بتأدي للنصر .
(أنا عارف إنو كلامي يمكن يكون مش مرتب بس سامحوني أنا مش شاطر في التعبير ) .

noor

عدد المساهمات : 28
تاريخ التسجيل : 22/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: برشلونة...برشلونة...حتى الموت!!!

مُساهمة من طرف Mohammad Ghalib Riziq في الخميس مايو 28, 2009 4:21 am

لسلام عليكم
جزاكم الله خيرا على هذا الموضوع الهام والردود الفاخرة
صراحة، عندما كنت أسمع الأخبار قتل هنا واعتقل هنا وحفروا نفقا هناك ومنعوا مصلين ووووو
كنت والله أحزن
لكن أفكر وأقول لنفسي: خلص خليني أحزن وبكفي على الأقل أنااعملي لعلي
طيب هاد لبدهم اياه اليهود واعداء المسلمين
اجلس وابكي لوحدك بعدين اطلع العب وانسى ما شفت
لذلك دائما أفكر أن أوصل الفكرة إلى غيري لأكون قدمت لديني ولو شيء يسير ولقضيتنا
فلذلك من واجبنا دائما أن نتذكر ونذكر ونذكر ونذكر غيرنا بهموم أمتنا
دائما علينا أن نذكر غيرنا بهكذا امور لألا تنسى وتدفن
فمثل هكذا موضوع على بساطته وقلة مشاهديه لكنه أثمر ولو على الأقل بالتذكير بأن لنا إخوة يعانون في مكان ما من هذه الأرض
هذا ما يميزنا عن الأمم الأخرى
مصداقا لقوله صلى الله عليه وسلمSad... كالجسد الواحد إذا اشتكى منه عضو تداعى له سائر الجسد بالسهر والحمى)
وقوله تعالى(كنتم خير أمة أخرجت للناس تأمرون بالمعروف وتنهون عن المنكر)
اللهم انصر الإسلام والمسلمين
وثبت أهل الحق والدين
واجمع كلمة المسلمين
ورد ورد ورد المسلمين إلى دينك ردا جميلا
آآآمين

Mohammad Ghalib Riziq

عدد المساهمات : 328
تاريخ التسجيل : 15/10/2008
العمر : 29
الموقع : www.med-pulse.net

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: برشلونة...برشلونة...حتى الموت!!!

مُساهمة من طرف معاذ الحمد في الخميس مايو 28, 2009 9:19 am

ولدت مدريدي وسأموت مدريدي!!..
فعلاً توقيع محزن، يجعلني أستحضر قول قباني في هوامش على دفتر النكبة:
هل نحن حقاً خير أمة أخرجت للناس؟؟؟
مشكور حمزة...

رأيي من رأيك يا أخت إسراء..
قرود بتنططوا في الملعب!! bounce
عشان هيك، والحمد لله، ربنا راحمني من إني أتابعهم...

مشكور نور على التعليق...

ومشكور كمان محمد غالب...


عدل سابقا من قبل ماروكو الصغيرة في السبت مايو 30, 2009 11:00 pm عدل 1 مرات

معاذ الحمد

عدد المساهمات : 61
تاريخ التسجيل : 21/05/2009
العمر : 29

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: برشلونة...برشلونة...حتى الموت!!!

مُساهمة من طرف Admin في الخميس مايو 28, 2009 10:04 am

اسمحوا لي

بصراحة بختلف معكم جميعا

طبعا فلسطين اهم شيء في جياة كل المسلمين

و لكن هذا لا يعني ان لا تكون للشخص حياة خاصة فيه

ومتابعة الرياضة احسن بكثير من امور اخرى كمشاهدة كثير من الافلام والمسلسلات والافلام المليئة بالقذارة والحرام

و انشغال الشباب بالرياضة اراه امرا ايجابيا وليس سلبيا

وممكن نحكي انتو طلاب الطب ما بيهمكم الا الدراسة الي بتهمكم اكثر من فلسطين

صح ولا لا ؟

بانتظار ردودكم

_________________
medicine2005.ahlamontada.net

الطريقة الحضارية للتعلم

Admin
Admin

عدد المساهمات : 443
تاريخ التسجيل : 11/10/2008

معاينة صفحة البيانات الشخصي للعضو http://medicine2005.ahlamontada.net

الرجوع الى أعلى الصفحة اذهب الى الأسفل

رد: برشلونة...برشلونة...حتى الموت!!!

مُساهمة من طرف معاذ الحمد في الخميس مايو 28, 2009 10:31 am

يتضح في الأعلى يا صديقي (من كلامي وكلامن حمزة) أننا لا نعارض فكرة أن يكون للمرء اهتمامات رياضية...
لكن الخطأ، كل الخطأ ،أن تصبح متابعة المباريات هي الأولوية الأولى في الحياة، يرتب المرء بناءً عليها حياته كلها: مواعيده، دراسته، أصدقائه، لبسه،...الخ
هذا هو الخطأ بعينه...
تحياتي لك يا صديقي، ولكل محبي كرة القدم...لكن....
بعقلانية!!

معاذ الحمد

عدد المساهمات : 61
تاريخ التسجيل : 21/05/2009
العمر : 29

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: برشلونة...برشلونة...حتى الموت!!!

مُساهمة من طرف بهاء في الخميس مايو 28, 2009 11:30 am

السلام عليكم
هاي اول مساهمة الي، وبتمنى لهالمنتدى يكون متنفس النا حتى نتشارك آراءنا مع بعض..
على العموم لفت نظري الموضوع وحبيت احكي رأيي
اولا: انا مش عارف معاذ زعلان ليش،، على الأقل روحت على البيت بدري وخلصت من الازمة Smile
ثانيا : حابب احكي عن الموضوع من زاوية ثانية، فعلا انه كرة القدم صارت توخذ حيز كبير من حياتنا، وخصوصا فئة الشباب ( يعني احنا ) لكن المشكلة هي لما نحاول دايما نبرر هزائمنا واخفاقاتنا بالقاء اللوم على اشياء برأيي انها مش السبب الحقيقي لاحوال امتنا في هالايام، وكدليل على كلامي ، لاحظوا ان "اسرائيل" عندها منتخب كرة قدم قوي ( بحتل المركز 17 في التصنيف العالمي ) وعندها اندية قوية بتشارك في اقوى البطولات العالمية وعندها لاعبين بلعبوا في اقوى الاندية، وهي مع هيك متفوقة علينا في كل المجالات تقريبا، وهالمعلومة بتقودنا للنقطة اللي بدي اوصلها : يا ريت دايما نحاول نتطلع على الاسباب الحقيقة لوضعنا وما نحاول نلوم اشياء بعينها لمجرد انا ....... ما بنحبها!

بهاء

عدد المساهمات : 102
تاريخ التسجيل : 26/05/2009
العمر : 29

معاينة صفحة البيانات الشخصي للعضو http://wattan.wordpress.com

الرجوع الى أعلى الصفحة اذهب الى الأسفل

رد: برشلونة...برشلونة...حتى الموت!!!

مُساهمة من طرف Scorpion Payne في الخميس مايو 28, 2009 11:57 am

ماروكو الصغيرة كتب:يتضح في الأعلى يا صديقي (من كلامي وكلامن حمزة) أننا لا نعارض فكرة أن يكون للمرء اهتمامات رياضية...
لكن الخطأ، كل الخطأ ،أن تصبح متابعة المباريات هي الأولوية الأولى في الحياة، يرتب المرء بناءً عليها حياته كلها: مواعيده، دراسته، أصدقائه، لبسه،...الخ
هذا هو الخطأ بعينه...
تحياتي لك يا صديقي، ولكل محبي كرة القدم...لكن....
بعقلانية!!

كلامك سليم (بس مش خريشا) 100%
في عنا اولويات اهم في الحياة مثل الدين و العائلة و الدراسة ......... الخ
و مش غلط الواحد يرفه عن حاله مثلا بالمباريات او مسلسلات (ما بحكي انها صحيحة) بس اشي و منوا
مش 24 ساعة مبارايات و البس برشالونه و كل ما تشوف واحد خاوة خاوة ......

حبيبي يا معاذ
موفق و الله يفتحها بوجهك Very Happy

_________________




علم صحيح
+
مجاهدة للنفس
+
عدم يأس من رحمة الله
+
حسن ظن بالله
=
إنسان متميز تحبه الملائكة وتنشغل به وتدعو له


Scorpion Payne

عدد المساهمات : 266
تاريخ التسجيل : 18/10/2008
العمر : 29

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: برشلونة...برشلونة...حتى الموت!!!

مُساهمة من طرف معاذ الحمد في الخميس مايو 28, 2009 12:36 pm

مرة تانية يا بهاء...
أنا ما لمت حب كرة القدم...
ولا ادعيت إنه السبب في وضعنا المتردي...
أنا كنت اقصد التعلق المفرط بكرة القدم، لدرجة تشغلنا عن أوضاع امتنا، وخصوصاً فلسطين...
صدقني...
لو نعمل استفتاء بين الشباب (وخصوصاً الذكور) نسأل فبه كم واحد بعرف نتيجة مباراة امبارح...حنلاقي النسبة كبيرة ...
بينما لو نعمل استفتاء نسأل فيه كم واحد سمع بخبر القوانين قبل ما نبلش هذا الموضوع..
حنلاقي النسبة...
أقل بكثير!!!

معاذ الحمد

عدد المساهمات : 61
تاريخ التسجيل : 21/05/2009
العمر : 29

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: برشلونة...برشلونة...حتى الموت!!!

مُساهمة من طرف بهاء في الخميس مايو 28, 2009 1:10 pm

صديقي العزيز
انا لسا مش شايف ايش هي المشكلة
ليش لازم نبطل نهتم بكرة القدم عشان نهتم بفلسطين؟
ليش ما نهتم بالموضوعين بالتوازي، طبعا مع فارق الاهمية و المكانة
شو المانع اكون بشجع الفريق الفلاني ومع هيك بهتم بقضايا امتي ؟
برأيي انه في النهاية لازم نهتم بقضايا امتنا بغض النظر عن اي اهتمامات اخرى
واذا بدنا نهتم بقضايانا فمش شرط انا نسكر على حالنا البواب والشاببيك بدعوى ( لا صوت يعلو على صوت المعركة ) لانه هالشعار كان منتشر في الستينات والسبعينات وشوف لوين وصلنا
ونقطة ثانية حابب احكيها، انا ممكن نستغل الرياضة لمصلحة قضيتنا
انا مثلا بشجع برشلونة، وواحد من اسباب تشجيعي الو هو انه مقاطعة كتالونيا، واللي برشلونة احد نواديها، دائما كان الها مواقف داعمة لقضايانا، وفي فترة غزو العراق، كان النادي بعرض لافتات مناهضة للحرب في المباريات التي كان بتابعها عشرات الملايين حول العالم..
لا تحملو المواضيع اكثر من طاقتها، ومرة ثانية بحكي انو عدم محبتك لإشي مش معناتو انو هالاشي سيء بالضرورة، يمكن نظرتك الو مختلفة شوي..

بهاء

عدد المساهمات : 102
تاريخ التسجيل : 26/05/2009
العمر : 29

معاينة صفحة البيانات الشخصي للعضو http://wattan.wordpress.com

الرجوع الى أعلى الصفحة اذهب الى الأسفل

رد: برشلونة...برشلونة...حتى الموت!!!

مُساهمة من طرف معاذ الحمد في الخميس مايو 28, 2009 2:02 pm

عزيزي بهاء..
يبدو أنك لم تنتبه إلى جملة "أنا أقصد التعلق المفرط بكرة القدم" في تعليقي الأخير..
صدقني...
أنا وأنت لا نختلف في وجهة النظر...
كلانا، حسب ما أعتقد، يعتنق الفكرة التالية
ليس من الخطأ أن نحب الرياضة بشكل عام...
لكن من الخطأ أن تسيطر على عقولنا وفكرنا وتنسينا قضايانا الأهم...

معاذ الحمد

عدد المساهمات : 61
تاريخ التسجيل : 21/05/2009
العمر : 29

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: برشلونة...برشلونة...حتى الموت!!!

مُساهمة من طرف Mohammad Ghalib Riziq في الخميس مايو 28, 2009 2:44 pm

السلام عليكم
أخي بهاء
فعلا من الخطأ أن أترك كل شيء وأهتم بشيء واحد
فكما قال تعالى(ولا تنس نصيبك من الدنيا)
لكن المصيبة التي يتحدث عنها معاذ هي أني أخذت ما هو أكثر من نصيبي في هذه الدنيا
هنا لا أتحدث عنك كشخص
بل أقصد الكل
وخاصة أنك رجل عاقل تستطيع أن توازن بين الأمور
لكن ماذا نقول لباقي الناس الذين برأيي كادوا يفقدوا عقولهم وسخروا حياتهم من اجل هذه المباريات
لدرجة أنهم لا يطيقون أن يقال السيء عن فرقهم وصاروا يمجدونهم اكثر من لو سمعوا شخصا يقول السيء في دينهم وقضيتهم
فهنا القصد في هؤلاء الأشخاص الذين أفرطوا في متابعة هذه المباريات وهم اكثر بكثير برأيي من الذين هم متزنين

Mohammad Ghalib Riziq

عدد المساهمات : 328
تاريخ التسجيل : 15/10/2008
العمر : 29
الموقع : www.med-pulse.net

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى